Hofteigs englarnir

Nýtt blogg

2006-09-29T15:05:00.000Z

Jæja ég er að fara að færa bloggið mitt og kem til með að blogga hér http://acme.to/sigga/ endilega skoðið og segið mér hvað ykkur finnst um nýja lúkkið :)

Meðferðin er byrjuð.

2006-09-25T16:35:00.000Z

Jæja í dag sprautaði ég mig fyrstu sprautunni í þessari meðferð.
Í dag eru liðin 3 ár og 9 mánuðir síðan við ákváðum að við ætluðum að fara að reyna að búa til barn og við erum núna loksins eftir 5 misheppnaðar tæknisæðingar að fara í okkar fyrstu glasameðferð og vonandi þá einu. En það gekk ekkert alltof vel að sprauta mig í morgun en það reddaðist. Ég var eitthvað svo lengi að græja allt og tók ekki nóg lyf í sprautuna svo ég þurfti að gera það aftur og skipta svo um nál og þá náði ég að stinga mig í puttan með nálinni og eitthvað svona smá bras. En svo tókst loksins að klára þetta og allt lyfið fór allavega beint í magann á mér.

En djammið um helgina var alveg meiriháttar og við skemmtum okkur allar alveg konunglega.
Við byrjuðum heima hjá Eygló um 18:30 að lita og plokka og greiða og mála og drekka og djúsa :)
Fórum svo á Madonnu kl 21:00 og fengum okkur að borða þar var mikið hlegið og grátið, við vorum allar mjög fínar þegar við komum inn og ég held að enginn okkar hafi verið með maskara þegar við fórum svo út aftur svo mikið táruðumst við úr hlátri. En svo röltum við niður Laugaveginn og niður á Hressó. Þar var fengið sér meira í glas og djammað í smá stund, svo á Nasa í 2 mín og Thorvaldsen í 5 mín og svo Dubliner til 9 um morguninn.
Ég fór reyndar heim kl 5 og Gulla með mér en tvær héldu áfram og voru að skríða upp í rúm kl 9 um morguninn. Úthaldið á þessu liði maður ég skil ekki hvar þær fá þessa orku og að vera að djúsa í 12 tíma vá mér finnst það bara kraftaverk að geta þetta.
En eins og ég sagði þá eru þetta sko ekta djammkonur í minni familíu.
En ég held að allir hafi verið mjög ánægðir með kvöldið og hafi skemmt sér alveg svakalega vel.
Þó að fólk hafi nú ekki verið jafn hresst á sunnudeginum samt :)

En ég var vöknuð kl 10 á sunnudeginum fór að þrífa húsið og skellti mér í bað og var bara ótrúlega hress enda ekki mikið ölvuð kvöldið áður bara svona passleg, alltaf gaman þegar maður nær að hafa stjórn á áfenginu og þarf ekki að eyða heilum degi eða dögum í það að jafna sig.
Enda var svo rosalega gott veður á sunnudeginum að það var bara ekki hægt að hanga heima.

En helgin fór í klessu matarlega séð og ég ákvað að vera ekkert að vigta mig strax þarf að ná því af mér fyrst :) svona getur maður verið lélegur stundum. En þá er það bara að rífa sig upp og halda áfram, þetta var bara smá hliðarspor sem má alveg laga :)

Út á lífið í síðasta sinn....... í langan tíma vonandi :)

2006-09-23T14:50:00.000Z

Kósí helgarfrí, fór með Davíð mínum í Kringluna og verslaði mér tvo boli fyrir 3000 kr elska tax free daga í Hagkaupum :) fórum svo á kaffihús og fengum okkur að borða og kakó/swissmocca í eftirmat nammi nammi namm. Kíktum í Brilliant til að láta laga hringinn sem Davíð gaf mér en það kom bara sprunga í eina brúnna á honum svo ég þurfti að láta laga hann. Núna er önnur hendin mín nakinn :) ótrúlegt hvað maður verður háður þessum skartgripum sínum þegar maður loksins venst því að hafa þá.

En í gær var svo ákveðið að við "konurnar" í fjölskyldunni minni semsagt ég, mamma, Eygló, Bogga, Björg, Gulla og Sandra færum á djammið. Við ætlum að byrja á því að fara á Madonnu og borða og fá okkur eitthvað ótrúlega gott að drekka með matnum og svo á að kíkja á lífið í bænum.
Það verður alveg örugglega ótrúlega gaman hjá okkur eins og alltaf, enda alveg ótrúlega skemmtilegar djammkonur í þessari fjölskyldu minni, alltaf hressar og mjög uppátækjasamar.
En við ætlum að hittast heima hjá Eygló og fá okkur smá fordrykk áður en við förum og þar ætla ég að lita og plokka Eygló og mála Gullu og græja mig bara svona í rólegheitum með glas í hönd.

Þetta verður þá síðasta "djammið" mitt áður en ég verð orðin ólétt kona :) af því að á mánudaginn byrja ég að sprauta mig og næsti mánuður verður svo tekinn í mjög heilsusamlegu lífi og vinnu og skóla.
Þannig að það er um að gera að sletta aðeins úr klaufunum í kvöld og djamma frá sér vit og rænu og eiga svo bara kósí sunnudag heima yfir sjónvarpinu eftir átökin.

Jæja best að fara að finna sér föt og taka til dót..............djamm djamm djamm :-)

skál fyrir því.

Allt tilbúið fyrir glasa

2006-09-20T23:28:00.000Z

Við fórum í gær að hitta hjúkrunarfræðing á Art Medica til að fara yfir glasameðferðina okkar.
Á mánudaginn næsta byrja ég að sprauta mig með lyfi sem slekkur á allri hormónastarfsemi hjá mér og ég verð á því til 25.okt þá fer ég í sónar til að ath hvort ég er tilbúin í örvun.
Ef ég verð tilbúin þá, þá byrja ég á öðru lyfi líka sem örvar eggjastokkana og fer að búa til fullt af eggjum sem verða svo tekinn úr mér og sett í glas ásamt sáðfrumum og þar eiga sáðfrumurnar að synda inn í eggin og búa til fallega, litla fósturvísa sem vonandi verður hægt að setja upp hjá mér og eiga afgang til að frysta fyrir næstu meðferðir.
En aukaverkanir af lyfinu sem ég byrja á gætu orðið svona eins og ég sé á breytingaskeiðinu, svitakóf, hausverkur, ógleði og skapsveiflur. Mér gæti líka liðið mjög vel og ekki fundið fyrir neinu og vonandi verður það raunin. En við fórum með fullt af lyfseðlum í apótekið eftir heimsóknina og náðum í lyf og dót fyrir 23.000 kr.
4 penna með lyfi í, 35 sprautur, 70 nálar, vítamín, fólín, nálabox, sýklalyf og eitthvað fleira.
Þetta var allavega fullur haldapoki af lyfjum og er ísskápurinn orðin fullur af þessu drasli.
En við erum bara nokkuð spennt fyrir þessari meðferð og vonum bara að nú sé röðin komin að okkur eftir nærri fjögurra ára baráttu í þessu finnst okkur að nú megum við fá litla gullmolann okkar til okkar.

Ég mun svo setja inn upplýsingar um meðferðina hér þegar eitthvað meira fer að ske svo fólk geti fylgst með þessu, ömmurnar og langömmur bíða spenntar eftir frumburðinum og vilja örugglega fá uppdeit á meðferðina :)

Annars var okkur boðið í mat til Jóa og Hildar í kvöld og þar fengum við þessa yndislegu nautasteik og bernessósu og meðlæti nammi nammi namm og ís í eftirmat.
Ég svindlaði semsagt dálítið hrikalega í kvöld á matarplaninu mínu en ég verð bara dugleg á morgun í staðinn. Þetta var allavega alveg þess virði að svindla fyrir því svona góðan mat og skemmtilegt kvöld í alla staði hef ég ekki upplifað lengi og hvað þá með manninum mínum.
Davíð er búin að vera að vinna eins og skepna í marga daga og er öll kvöld í skúrnum að gera við bíla og mokar inn peningum sem er gott og ég er svo búin að vera á haus að læra og hamast við að koma mér af stað í skólanum og okkur veitti bara ekkert af svona kvöldi með vinum okkar, svona áður en við leggjum í næstu baráttu í barneignarmálum.

Jæja held ég láti þetta duga í bili ætla að fara að skríða upp í rúm og sofa svo maður verði nú ferskur og hress á morgun fyrir vinnuna, skólann og kaffihúsaferð með vinkonunum annað kvöld.

Knús og kremjur

1 vika búin

2006-09-18T10:55:00.000Z

Jæja ég er búin með eina viku af 8 vikna átakinu mínu og búin að missa 2 kg af þeim 5 sem ég ætla að ná af mér á þessum vikum.
Átakið gengur bara mjög vel ég svindlaði aðeins á laugardagskvöldið en annars er ég búin að standa mig mjög vel og er bara nokkuð ánægð með stöðuna.
Ég fór endanlega í bakinu um helgina og er núna komin með verk frá miðju baki hægra megin og alveg niður í ökkla og á mjög erfitt með að sitja. Fór ekki í partýið til Victoríu þar sem ég gat ekki hreyft mig og eyddi bara kvöldinu á msn að tala við Kalla sem var mjög gaman horfði svo á Casanova og fór að sofa ein í stóra góða rúminu mínu.
En ég náði að læra alveg helling um helgina og kom Álfheiður og lærði með mér og það var mjög gaman þó ég gæti bara setið í nokkrar mínótur í einu þá notaði ég bara tækifærið og þreif íbúðina í smá skömmtum á meðan.
Lærði í 10 mín, þurkaði af, lærði í 15 mín, ryksugaði, lærði í 10 mín, skipti um á rúminu, svona gekk allur dagurinn :) mjög gaman.
En ég er að fara í nuddið aftur í dag og vonandi getur þessi brjálæðingur hjálpað mér eitthvað því þetta er að gera útaf við mig, ég er eins og gömul kona og er ekki að fíla það.

Jæja en þá er bara vika 2 hafin og vonandi gengur hún jafn vel og síðasta vika þó ég geri mér fulla grein fyrir því að ég missi sennilega ekki 2 kg í þessari viku líka :)

Dagur 5

2006-09-15T18:27:00.000Z

Átakið gengur og gengur er á 5 degi í dag og langar ekki einu sinni að borða :) og þið sem þekkið mig vitið að það er kraftaverk. En ég er nú reindar að fara í afmæli til Hlyns og Smára núna og ætlar hún Eygló að bjóða uppá kvöldmat og ég er búin að ath þetta og þetta er sko allt í lagi hún verður með kjúklingarétt sem ég má sko alveg borða :)..................... ég sleppi þá bara kökunum.
En já svo erum við Victoria að fara á Sálina í kvöld í höllinni og nuddið og dekrið í fyrramálið.
Davíð fer svo uppí Skorradal á morgun og verður þar til á sunnudagskvöldið þannig að hann fær ekkert frí greyið.
Ég lærði ekkert í gærkvöldi fór bara á kaffihús með Gullu og við skemmtum okkur konunglega Andrea kom svo líka og bara ákvað að skella sér á djammið og datt í´ða, hún þurfti nú svo sem ekki mikið enda alveg að hverfa og hafði gefið blóð um morguninn þannig að það varð bara ódýrt fyllerí hjá henni. En ég ætla að vera dugleg um helgina að læra í staðinn, ég ætti að geta það þar sem Davíð er ekki einu sinni heima þá er hvort sem er ekkert að gera annað :-Þ

Jæja best að fara að byrja helgarfríið langþráða
knús og góða helgi :)

Dagur 4 :)

2006-09-14T12:10:00.000Z

Jæja dagur 4 í dag og allt gengur eins og í sögu ennþá.
En skólinn er hins vegar ekki alveg komin í gang hjá mér ennþá er í pínu vandræðum með þessa blessuðu íslensku.
Sendi póst á kennarana mína í gær til að fá upplýsingar og vonandi hjálpar það mér að komast af stað í þessu.

Annars er ég og Victoria að fara á tónleika á morgun með Sálinni og Gospel kórnum í Höllinni og við hlökkum rosa til. Á laugardaginn ætlum við svo að skella okkur í dekurnudd og ljós í Baðhúsinu um morguninn og svo á að vera smá partý hjá henni um kvöldið.
Davíð fer svo upp í Skorradal og verður þar alla helgina aftur :( þannig að ég verð að sofa ein heima með kisurnar hjá mér og kveikt ljósið.
Já ótrúlegt ég varð bara myrkfælin þegar ég átti að sofa ein í nýja húsinu okkar og þurfti að hafa opið fram á gang og kveikt ljósið svo ég gæti sofnað, ég sem get ekki sofið í birtu og vil helst hafa allt svart hí hí.

Jæja best að halda áfram að vinna.

Dagur 2

2006-09-12T23:03:00.000Z

Jæja dagur tvö í átakinu er að kveldi komin :) og ennþá gengur allt vel. Það var meira að segja boðið uppá nammi og kökur í vinnunni í dag en ég bara fékk mér ekki neitt, alveg ógeðslega dugleg. En annars fékk ég nett taugaáfall í kvöld því Davíð fór fyrir mig í dag að ná í setningarfræðibókina sem ég á að vera að læra í vetur og þar eru einhverjar upprifjunaræfingar sem ég ætlaði að gera. En ég komst bara að því að ég kunni ekki neitt í upprifjuninni þannig að ég skellti mér á kaffihús með Andreu og Álfheiði og þær þessar elskur auðvitað hjálpuðu mér, takk stelpur.

En já svo er ég komin með rosa mar á bakið eftir nuddið og er ennþá eins og gömul kona og er virkilega aum og drusluleg eitthvað í hálsinum og bakinu. Er búin að vera að bera á mig svona deep heat krem í allan dag og það linar aðeins verkina en ég má bara ekki setjast niður þá stífna ég öll upp aftur, vonandi fer það nú að lagast.

En annars eru komnar nokkrar nýjar myndir í albúmið ef einhver vill skoða.

Hver er þetta ?

2006-09-12T23:01:00.000Z

Sumir hafa nú aðeins stækkað og fullorðnast :)

8 vikur, nudd og skóli

2006-09-11T21:59:00.000Z

Jæja kraftaverkin gerast, já í dag tók ég mig saman í andlitinu og byrjaði í 8 vikna átaki.
Já næstu átta vikurnar ætla ég að taka mataræðið mitt í smásjárskoðun og missa 5 kg.
Ég ákvað að draga fram gamla matardagbók sem ég og Álfheiður vorum með þegar við vorum á námskeiði í JSB og er búin að borða eftir henni í dag.
Þannig að fyrir 6.nóv ætla ég að missa 5.kg bara með því að taka mataræðið í gegn, svona þar sem ég get ekki ennþá verið í ræktinni.

En annars fór ég í bakinu í dag, ætli að líkaminn sé ekki bara að segja hingað og ekki lengra stelpa, TAKTU ÞIG Á. Þannig að ég fór í Shiatsu nudd í dag á snyrtistofunni Paradís og OMG þetta var svo sárt ég hef aldrei á ævinni leift nokkrum manni að meiða mig jafn mikið og þessum snarbilaða nuddara. Hann labbaði á bakinu á mér og píndi mig sundur og saman. Eftir tímann sendi hann mig heim sagði mér að fara í heitt bað drekka mikið vatn og fara að sofa og ég gerði það.
Það er svona eins og það sé búið að berja mig margoft í hausinn með múrsteini og rífa bakið á mér í sundur og eins og einhver standi á öxlunum á mér.
En þetta á víst að gera manni gott þannig að ég fer í annan tíma næsta mánudag :) djöfull getur maður verið klikkaður að láta fara svona með sig og í alvörunni að borga fyrir það.
En hann var mjög hissa að ég hefði ekki verið löngu komin í nudd og hvort ég væri ekki alltaf með hausverk og þessi vöðvabólga í öxlunum hann var bara ekki að ná sér að ég gæti í alvöru farið í gegnum daginn með alla þessa hnúta í bakinu.

Já og svo byrjaði skólinn í dag líka og vá íslenskukennarinn minn er að tapa sér ég held bara að ég sé að taka svona þrjá áfanga í íslensku í einu það eru bara einhverjar 5 bækur sem við verðum með og ritgerð úr einni stórri bók og svo margar smásögur sem við eigum að gera einhverja umsögn um og svo setningarfræðibókin og einhverjar tvær í viðbót.
Ég rak augun í einhverja upprifjun fyrir þá sem eru ekki of góðir í stafsetningu og ákvað að kíkja á það þar sem stafsetning er ekki mín sterkasta hlið og ég fékk bara vægt taugaáfall, ég kann ekkert í þessu drasli.
En ég skal ná þessum áfanga og ekki undir 8 ég bara verð að gera það fyrir sjálfa mig.

En ef einhver á bókina Röddin eftir Arnald Indriða þá væri ég alveg til í að fá hana lánaða takk.

Jæja látum þetta duga af fyrsta deginum í nýja lífinu mínu.

Afmæli og ættarmót

2006-09-08T12:15:00.000Z

Ég fór í klippingu og litun í gær og er eins og ný manneskja á líkama og sál, djöfull hefur maður gott af því að láta dekra svona við sig. Fékk þetta líka geggjaða nudd á meðan hún var að láta næringuna bíða í hárinu og svo dúllaði hún Jóa mín svona við mig og greiddi mér rosa flott hún sagði að þetta væri svona fimmtudagsgreiðsla. Þannig að ég er loksins komin með fallegt hár aftur eftir langan tíma og búin að bóka tvo tíma hjá henni Jóu minni og báða fyrir jól þannig að ég verði nú ekki aftur svona rosalega sjúskuð.

En annars komu amma og afi til okkar í gær og þau verða alla helgina enda er 25 ára afmæli hjá litla bróðir og svo ættarmót í Borgarnesi á sunnudaginn.
Ég og mamma erum að tapa okkur í skipulagsnefndinni fyrir afmælið hans og erum búnar að gera ýmislegt voða sniðugt ég ætla nú samt ekki að fara að telja það upp hér því þetta a að koma á óvart.
Ég er svo búin að vera endalaust upptekin alla vikuna og er farin að þrá smá frí þessi vika er búin að vera alltof lengi að líða og alltof mikið að gera, svo eru svo mikil veikindi í vinnunni og svona mannahallæri og það bitnar auðvitað á okkur hinum og þá verður maður ennþá meira þreyttur.

En annars byrjar svo skólinn á mánudaginn hjá mér og þá fer maður á fullt í það að læra og svona og svo förum við hjónin þann 19.sept og fáum lyfseðla og sprautukennslu vegna glasameðferðarinnar og svo byrjum við að sprauta þann 25.sept og þá byrjar meðferðin fyrir alvöru.
Við erum bara nokkuð spennt fyrir þessu og það verður ágætt að bara hella sér í þetta allt í einu, glasa, vinna og skóli. Þá getur maður heldur ekki verið að hugsa of mikið um þetta og velta sér upp úr þessu öllu saman gengur þetta eða gengur þetta ekki.

Góða helgi kæru lesendur.

Grillveislur og partý

2006-09-03T11:19:00.000Z

Ég fór í grillveislu í gær hjá fyrverandi vinnufélaga mínum og vorum við 8 þarna fyrverandi og núverandi vinnufélagar og skemmtum okkur vel allt kvöldið. Það var grillað handa okkur læri og fullt af meðlæti með því auðvitað og allt bara mjög flott og gaman. En eftir það fór ég í smá partý hjá Andreu og Dögg í nýju íbúðinni sem þær voru að byrja að leigja saman og var þar eitthvað fram eftir nóttu. En Davíð er uppi í Skorradal og var þar í nótt að hjálpa foreldrunum að loka nýja bústaðnum fyrir veturinn. Þannig að ég kom ein heim í nótt og svaf bara með kisurnar hjá mér í staðinn.

En af því að Björg er futt út þá losnaði nú eitt herbergið hérna heima og ég ákvað að eigna mér það og er búin að gera það rosa flott. Þetta verður svona hobbýherbergið mitt og herbergi þar sem ég get lært. Loksins gat ég líka tekið upp trönurnar mínar sem tengdó gáfu mér í jólagjöf í fyrra og sett þær saman og stillt þeim upp í herberginu MÍNU :)
En ég er svo að geyma sófa fyrir Atla og er með hann þarna inni og tók svo bara borðstofuborðið og stólana og fór með það inn til mín til að læra við, því ég þekki mig það vel að ég veit að ég á ekki eftir að geta lært hérna yfir sjónvarpinu þannig að ég varð að loka mig af einhversstaðar með námið. Þannig að þá eigum við Davíð bara orðið sitthvort herbergið hérna heima ég með mitt hobbý/læra herbergi og hann með tölvuherbergi hí hí voða sætt, við sofum nú samt í sama herbergi ennþá :)

En það er um að gera að njóta þess að hafa þessi herbergi útaf fyrir okkur því það breytist nú þegar það koma lítil kríli í fjölskylduna.
Af þeim málum að frétta þá er það að við erum semsagt að byrja í glasa eftir rúma 20 daga.
Ég mun sennilega setja inn fréttir hingað af því hvernig það gengur og leyfa lesendum að fylgjast með því en við förum sennilega ekki í uppsetningu fyrir en svona í lok október þegar Davíð kemur heim frá Flórída.

Jæja ég ætla að fara að kaupa mér skólabækur núna.

Utan úr geimnum.

2006-08-31T11:01:00.000Z

Þegar ég var svona 10 til 12 ára þá var Sálin hans Jóns míns og Stjórnin mitt uppáhald og ég átti sko kasettur með þessum tvem hljómsveitum og vasadiskó og var mikið hlustað á þetta.
En við fengum svona fría áskrift af tónlist.is í mánuð núna ég og Davíð og ég ákvað að nýta mér þetta á meðan ég væri veik heima og ná mér í lög.
Ég náði auðvitað í nokkur lög með Sálinni eins og t.d. Hvar er draumurinn ?, Vængjalaus, Englar, Láttu mig vera og fl. þetta er ég svo að hlusta á og rifja upp gamla tíma. En ég hef ekki eins gaman að Stjórninni í dag og var því eitthvað lítið að skoða þau lög en rakst á lag sem heitir Utan út geimnum og kannaðist eitthvað við titilinn þannig að ég fór að hlusta á það og þá rifjaðist upp fyrir mér annsi skemmtileg minning.
Þegar við vorum lítil þá fengum við að fara í sveit í Eyjafirði sem heitir Hrísar og vorum þar í 10 daga minnir mig ég og bróðir minn, þetta var yndislegur tími og munum við alltaf eftir þessu við bæði. En þarna voru auðvitað nokkrir krakkar í einu og við vorum að taka þátt í daglegum störfum á sveitabænum og svo vorum við með kvöldvökur á kvöldin og vorum með allskonar skemmtiatriði og svona skemmtilegt.
En ég og tvær aðrar stelpur vorum sko með rosa dans og söng atriði við þetta lag Utan úr geimnum, :) vá það er svo gaman að rifja þetta upp þetta var svo flott fannst okkur og við vorum ekkert smá stoltar af okkur að gera þetta og vorum sko jafn flottar og hvaða rokksöngvari sem er og auðvitað miklu flottari en Sigga Beinteins hí hí en við höfum sjálfsagt verið mjög laglausar og hallærislegar smástelpur að dansa og syngja í svaka búningum og allt.
Við vorum sko málaðar og með svona band um ennið svona Rambó band ha ha ha bara snilld, en það var sko rosa sætur vinnumaður á bænum líka sem var bara ungur strákur og okkur stelpunum fannst hann ekkert smá sætur og vorum eiginlega að gera þetta atriði fyrir hann sko.
Jæja ég varð bara að deila þessu með ykkur svona svo þið kynnist nú einhverju úr æskunni minni því eins og allir vita man ég voða takmarkað eftir henni :)

Gamlar myndir

2006-08-30T14:38:00.000Z

Þar sem ég hef ekkert að gera þá ákvað ég að skoða gamlar myndir og fann þessa sætu mynd af Bonny og Rúfus, en þarna hét hann Rúfus en í dag er þetta hún og heitir Rúffí.
En þau eru bara sæt á þessari mynd, ekki oft sem maður sér kött og eðlu kúra saman.

Svo var ég að setja inn nýjar myndir á myndasíðuna, af fegurðinni við Gíslholtsvatn

Ekkert skárri ennþá :(

2006-08-30T13:33:00.000Z

Þetta hefur ekki skeð í 6 ár að ég sé heima veik í meira en 2 daga en ég er á þriðja degi núna og er bara ekki mikið betri eiginlega bara verri ef eitthvað er, núna er ég farin að hósta upp úr mér einhverju ógeðslegu slími og með dúndrandi hausverk en það lekur ekki jafn mikið úr augunum á mér eins og í gær.

Skemmtilegar lýsingar á manni en ég ætla að kíkja á læknavaktina á eftir og reina að fá eitthvað við þessu og láta hlusta mig líka ég nenni nú ekki að fá lungnabólgu aftur.
En annars er ég svo sem bara að hanga heima yfir tölvu og sjónvarpi var að horfa á The three musketeers sem Victoria kom með handa mér í gær, ótrúlega skemmtileg mynd.

Ég reindi að vaka yfir Magna í nótt en ég lá hérna í sófanum með tárin í augunum og kaldan þvottapoka á enninu með dúndrandi hausverk og gafs upp eftir að Magni var búin að syngja þá skreið ég upp í rúm og sofnaði með það sama.
En mér fannst Magni standa sig mjög vel í gær, ég hef svo sem ekki mikið fylgst með þessu en ég vona bara að hann komist áfram svona hans vegna. Þetta er jú rosa góð kynning fyrir hann og tækifæri til að koma sér á framfæri.
Mamma er dyggur stuðningsmaður og vakir yfir hverjum einasta þætti og hangir svo á netinu þess á milli til að lesa slúðrið hí hí mamma er svo geggjuð.

En jæja best að halda áfram að gera ekki neitt og láta sér batna.

Ótrúlega lasin

2006-08-29T20:14:00.000Z

Svona líður mér í dag er alveg ótrúlega veik með hor og kvef ekki gaman hjá mér.
Ef ég fer ekki að hressast verð ég endalega geðveik að hanga svona heima það er ekki mjög spennandi þegar maður er svona slappur.

En ég er búin að vera að hanga í SIMS 2 og horfa á sjónvarpið og ætli að maður hangi ekki og horfi á Magna í nótt svona fyrst maður er heima veikur og kannski bara kjósi kallinn svona ef ég nenni.

Jæja best að fara að snýta sér .

Hitt og þetta

2006-08-27T13:59:00.000Z

Jæja þetta er búið að vera geggjuð helgi, ég og Andrea fórum á ball í gærkvöldi Todmobil á Nasa ekkert smá stuð og bara dansað allt kvöldið, alveg ótrúlega gaman.
Ég var bara edrú og keyrði svo heim um nóttina en Andrea fékk far upp á Hverfisgötu og hélt áfram að djamma þar, úthaldið eitthvað meira hjá henni greinilega.
Davíð er búin að vera að vinna uppi í Skorradal alla helgina með tengdó þau eru að byggja nýjan kofa þar og gengur bara rosa vel.

Já og svo aðalfréttirnar ég er búin að skrá mig í fjarnám, já ég er að fara í ísl 202 og sál 103 í fjarnámi í FÁ í vetur og er bara nokkuð spennt.
Ég fór og talaði við námsráðgjafa á föstudaginn og ætlaði að fá metið inn námið mitt hjá Viðskipta og tölvuskólanum og ætlaði svo að fara á skrifstofu og tölvubrautina hjá þeim sem er 70 einingar.
En hann sagði bara við mig að ég hefði ekkert að gera á þá braut og ég væri bara búin með hana og ætti bara að skella mér í það að klára stúdentin, þannig að það er semsagt það sem ég er að fara að gera núna :)
Já já bara félagsfræðibraut í Fjölbraut í Ármúla og svo útskrifast ég kannski sem stúdent árið 2030 þegar ég næ að klára þetta allt :) hí hí við sjáum til hvað ég verð lengi að klára þetta.

Já og svo dreymdi mig ógeðslega skrítinn draum í nótt langa amma mín Sveinbjörg sem er dáinn fyrir nokkrum árum var komin aftur og já í draumnum hafði hún verið dáinn í öll þessi ár en svo var hún bara allt í einu á lífi og lá í rúmi bara svona eins og ég man eftir henni þ.e.a.s. útlitslega séð og sagði mér að hún hefði fengið að koma aftur núna.
SKRÍTINN DRAUMUR og frekar óhugnalegur.

Sætustu vinkonurnar

2006-08-22T22:35:00.000Z

Ég og Andrea fórum í Smáralind í dag og létum teikna svona líka geggjaða mynd af okkur.
Við erum auðvitað lang lang sætastar að innan sem utan :)

VInna á morgun

2006-08-22T12:43:00.000Z

Jæja síðasti dagur í sumarfríi, við hjónin sváfum alveg til 11:30 þá þrifum við íbúðina og gerðum allt voða fínt og flott og svo á bara að gera eitthvað skemmtilegt í allan dag ekkert vesen og engin leiðindi. En í gær fór ég með kisu litlu á Dýraspítalann því hún er búin að vera haltrandi í nokkra daga og við fórum á fimmtudaginn í skoðun og þá fékk hún umbúðir og lyf og eitthvað svo í gær var hún sett í myndatöku því hún var ekkert betri og þá kom í ljós að hún var farin úr lið og henni var kippt í liðinn aftur. En það er allavega ekkert að henni núna og er hún bara farin að hlaupa um og leika sér og fara í klóruna sína og allt þannig að hún er eins og ný.
En í gær fór ég svo með Atla niður á Öryggismiðstöð og hann sótti um vinnu þar og var bara ráðinn á staðnum og byrjar á morgun. Við fórum í gær og náðum í föt og skó á hann og hann er bara alveg reddí til að mæta á fyrstu vaktina sína á morgun kl 18:00 en Atli hefur ekki unnið í landi í annsi mörg ár þannig að það verður gaman að sjá hvernig þetta gengur.
Þá erum við systkynin bara bæði farin að vinna hjá Öryggismiðstöðinni :)

Jæja ég ætla að fara að njóta dagsins knús og kremjur

Lordí

2006-08-21T22:33:00.000Z

Bogey var hjá okkur í nótt og í gærkvöldi ákváðum við að mála hestinn sem er úti í garði hjá okkur. Davíð pússaði hann og fann málningu svo fékk Bogey að mála hann. Það var voða stuð hjá okkur og ákváðum við síðan að fara og kaupa ís handa litla málarameistaranum okkar.
Á heimleiðinni spurði ég hana hvað hesturinn ætti að heita og hún var nú fljót að svara að hann ætti að heita eins og maðurinn í Svíþjóð eða Finnlandi þarna Lordí. Þannig að hesturinn heitir semsagt Lordí sem er bara sniðugt.

Búið að klæða Ingagarð

2006-08-17T23:45:00.000Z

Jæja við erum komin í bæinn aftur, það er búið að klæða sumarbústaðinn og setja nýja glugga og mála og já bara allt saman orðið rosa flott. En amma og afi komu og hjálpuðu okkur og Atli kom líka og hjálpaði smá og Röggi líka. Þetta er búið að vera alveg ótrúlega gaman og við fengum alveg frábært veður. En nú er Ingagarður bara alveg að verða tilbúin auðvitað er alltaf hægt að bæta og laga en svona þetta stærsta sem verður gert í bili er búið, og hægt er að nota húsið núna allt árið.
En ég setti nokkrar myndir hér og svo eru fleiri í albúminu.

knús og kremjur Sigga Ásta

Sumarfrí

2006-08-02T21:38:00.000Z

Jæja loksins er sumarfríið okkar að bresta á það er bara eftir einn enn dagur í vinnu og svo frí.
En ég er semsagt að fara norður á föstudaginn og það á splunkunýjum bíl og allt, en hann pabbi gamli lánaði mér bílinn sinn sem hann keypti um daginn og það úr kassanum bara.
En þetta er ágætis Toyota Corolla sjálfskipt og allt svo ég á eftir að skemmta mér við að keyra norður. Ég fer fyrst til Búðardals til að pikka upp uppáhalds bróðir í öllum heiminum, en hann er að klára dvöl sína á Staðarfelli á föstudaginn og ætlum við að hittast í Búðardal og bruna saman norður. Þar ætlum við að hitta ömmu og afa og Atli ætar víst að taka afa í bakaríið í göngutúrum. Ég ætla að hjálpa Bigga og Boggu að pakka búslóðinni þar sem þessar elskur eru loksins að flytja til höfuðborgarinnar :) ekkert smá gaman að fá þau.
Svo vonandi hitti ég nú eitthvað af vinkonunum þarna líka ef það fara ekki allir úr bænum.
En ég ætla að stoppa fyrir norðan í einhverja daga áður en ég fer austur til Davíðs að hjálpa honum í bústaðnum.
En annars gengur ágætlega að þjálfa þann sem á að leysa mig af og ég vona bara að hann sé ekki orðinn of stressaður, en það er komið pínu stress samt.
Þetta verður nú sennilega eitthvað skrautlegt þegar ég fer í frí það er enginn til þess að forrita á staðnum á meðan og þurfa því allar beiðnir að fara í gegnum þjónustudeildina og það er sko alveg nóg að gera hjá þeim eins og staðan er. En ég er að fara í frí og ætla að fara í frí og ekki hugsa um vinnuna á meðan :)

En það verður sennilega eitthvað lítið um skrif á þessum tíma enda á maður ekki að eyða sumarfríinu sínu í tölvunni þegar maður vinnur á hana allan daginn.

Jæja knús og kremjur og hafið það gott.
Sigga Ásta

Geggjuð helgi í bústaðnum.

2006-07-30T18:08:00.000Z

Helgin var svo dásamleg og skemmtileg og frábær að það er algert æði.
Við fórum í bústaðinn á föstudagskvöldið grilluðum pylsur, lásum bækur, horfðum á sjónvarpið og höfðum það rosa kósí. Á laugardeginum afmælinu hans Davíðs þá bakaði ég pönnukökur í morgunmat handa liðinu og við höfðum smá svona afmælismorgunverð öll saman.
Um daginn vorum við síðan að gera göngustíg fyrir framan ég Davíð og Andrea en Björg svaf til 16:00 en þá ákváðum við að skella okkur í sund á Hvolsvelli í 23°c hita sem var bara notalegt. Við komum svo til baka um 18:30 og fórum þá að græja kvöldmat. Auðvitað var áfengi haft um hönd og skemmtu sér allir um kvöldið við hina ýmsu iðju aðalega þó að horfa á djöflaþætti og hlægja af þeim en það var farið að sofa einhvertíman um nóttina þegar fólk var búið að lesa frá sér allt vit í ástarsögunum og allir orðnir svaka þreyttir.
En sunnudagurinn var svo notaður til að klára göngustíginn og er hann orðinn hinn glæsilegasti (eins og sjá má í myndaalbúminu mínu).
Við fengum fínt veður alla helgina það ringdi aðeins á næturnar og Davíð meira að segja brann á bakinu greyið.
En allir voru ánægðir með helgina og er það fyrir öllu.
Jæja þá eru bara 4 vinnudagar í sumarfrí og getum við varla beðið eftir því, Davíð fer beint austur að byrja að klæða bústaðinn en ég fer norður í nokkra daga fyrst og kem svo og hjálpa honum. En ég og Atli ætlum að skella okkur til ömmu og afa í nokkra daga fyrst og svo förum við bara vonandi bæði austur að vinna í bústaðnum ef ég næ að plata Atla litla til að hjálpa okkur.

En það eru nokkrar myndir frá helginni komnar í albúmið Hitt og þetta.

knús og kremjur Sigga Ásta

Afmælishelgin Davíðs

2006-07-28T13:00:00.000Z

Jæja þá er ekki komin bara helgi aftur, þetta er ótrúlegt hvað tíminn líður áfram núna. Við erum að fara í bústaðinn yfir helgina eftir vinnu í dag, ég Davíð og Andrea og svo kemur Victoria á morgun. En Davíð minn á afmæli á morgun þann 29.júlí og verður hann alveg 33 ára gamall en ekki 34 ára eins og við erum búin að vera að halda í nokkrar vikur hí hí ruglað lið að vita ekki hvað maður sjálfur eða maðurinn sinn er gamall.
En við ætlum að reina að klára göngustíginn um helgina og gera þetta pínu skemmtilegra æi mér finnst aðkoman að húsinu vera eitthvað svo subbó.

En svo á auðvitað að grilla, spila, kjafta, sofa og marft fleira líka og umfram allt að hafa gaman og skemmta sér. En það eru allir velkomnir auðvitað og alltaf nóg pláss á grillinu ef einhver vill vera með að grilla :)
En annars fór Davíð í gær og keypti sér afmælisgjöf ekkert minna en Expressó vél sem malar baunir og hellir uppá og svo er hægt að gera svona heita mjólk og allt rosa flott græja og Davíð minn brosir hringinn.

Gulla og Röggi komu með stelpurnar í heimsókn í gær og Davíð auðvitað notaði tækifærið og hellti uppá kaffi fyrir sig og Rögga, það varð víst aðeins of sterkt en hann er auðvitað ennþá að læra á þessa græju.

En annars er bara búið að vera frekar róleg vikan hjá okkur eða hjá mér Davíð er auðvitað á fullu í skúrnum alla daga og svo erum við bara búin að vera að kaupa efni í klæðinguna og gera allt klárt fyrir þá vinnu áður en við förum í sumarfríið svo maður þurfi ekki að byrja á því að eyða einhverjum dögum í það allt saman.

En jæja best að klára að vinna áður en helgarfríið byrjar.

knús og kremjur Sigga Ásta

Til hamingju Eva og Gunni

2006-07-23T17:51:00.000Z

Þetta var eitthvað það fallegasta og skemmtilegasta brúðkaup sem ég hef farið í.
Athöfnin var svo falleg og það var klappað og hlegið í kirkjunni, það er nú ekki oft sem maður fær að klappa í kirkju á Íslandi en presturinn er gift frænda hennar Evu og er frá Ólafsfirði þannig að þetta var allt svona á léttum nótum en samt svo hátíðlegt og fallegt.
En veislan var svo alveg frábær og fullt af skemmtilegum uppákomum og var mikið hlegið og grátið hreinlega úr hlátri alger snild.
En Eva og Gunni eru svo yndisleg og fallegt fólk að innan sem utan, ástin geislaði af þeim og það sást svo vel hvað þau eru ætluð hvort öðru og hvað þau elska hvort annað mikið og hvernig þau fullkomna hvort annað það er alveg æðislegt.
Þau eru líka bara svo einstaklega góðar manneskjur og það sést svo vel þegar þau afþökkuðu allar brúðargjafir en bentu fólki á að koma með andvirði brúðargjafa í umslagi og gefa til SOS barnaþorpanna, ekki margir sem gera það. En svo gáfu þau öllum gestum gjöf sem er svona lítið egg alveg einstaklega fallegt og á þetta egg að uppfylla óskir okkar.
Þau skáru svo brúðartertu ofan í alla gestina og meira að segja tóku sér tíma til að telja upp þrjú hjón sem höfðu átt brúðkaupsafmæli daginn áður og svo þennan sama dag og óska þeim til hamingju, mjög fallegt að á deginum þeirra muna þau samt eftir vinum sínum og þeirra degi.
Það er sko ekki annað hægt en að samgleðjast með þessu frábæra fólki og vona að framtíðinn verði þeim góð, hamingjurík og full af gleði.

Brúðkaupsafmæli á morgun 22.júlí

2006-07-21T17:00:00.000Z

Ég er að bíða eftir að Davíð komi heim svo við getum farið í bústaðinn okkar.
Ég er búin að setja utan um sængur og kodda taka til drasl sem á að fara uppeftir og allt er tilbúið en það vantar bara Davíð sem er fastur í vinnu ennþá.
En um leið og hann kemur ætlum við að bruna upp í bústað og slaka á eina nótt bara við tvö saman. Við eigum líka 6 ára brúðkaupsafmæli á morgun þannig að það er nú alveg í lagi að við eyðum smá tíma í ró og næði bara útaf fyrir okkur.
Við ætlum að kúra uppi í sófa og horfa á bíómyndir og lesa bók og fá okkur eitthvað gott að borða og sofa og slaka á, alveg endalaust gaman og kósí.

En það er búið að vera svo brjálað að gera í vinnunni síðustu vikur og ég er orðin svona lang þreytt og pirruð þannig að mér veitir sennilega ekkert af því að komast burt úr bænum þó það sé bara ein nótt.

Annars erum við búin að kaupa allt gluggaefnið og klæðninguna á bústaðinn svo það er allt klárt fyrir það verkefni sem við ætlum að byrja á um leið og við komumst í frí sem er eftir nákvæmlega 9 vinnudaga :)

Já svo komum við í bæinn aftur á morgun til að fara í brúðkaupið hjá Evu og Gunna.
Annars vona ég bara að allir njóti helgarinnar í botn og fái langþráða hvíld eftir vinnuvikuna.

Knús og kremjur Sigga Ásta

ps. Ég fann bloggið hjá hinni Sigríði Ástu Björnsdóttur sem er til á landinu en við erum tvær og hún býr á Akureyri, ótrúlega sniðugt að þá heitir hún líka eftir báðum ömmunum sínum eins og ég á afmæli í mars eins og ég og uppáhalds dýrin hennar eru kisur og hestar, ég á 3 ketti og hestar eru í miklu uppáhaldi hjá mér.
Ég þarf nú bara að fá að hitta þessa nöfnu mína einhvern daginn en það er 6 ára aldursmunur á okkur og er hún því bara tvítug skvísa.

Bara gaman :)

2006-07-17T18:05:00.000Z

Jæja helgin var bara tekin í leti og kósíheit við hjónin vorum bara heima á föstudagskvöldið og náðum okkur í spólu. Ég og Andrea skutumst í Kringluna á laugardeginum og ég keypti mér peysu og bol. Auðvitað enduðum við svo á Hressó í smá kaffi og spjall, alltaf jafn gaman að hanga þar.
En á sunnudeginum vorum við hjónin ógeðslega dugleg Davíð fór í skúrinn að laga til og skipuleggja hann eitthvað betur svo hann finni nú verkfærin sín og svona og ég fór í garðinn að taka úr beðunum og fyllti eina 3 ruslapoka af drasli sem ég vil ekki sjá í mínum garði, ég á ennþá eftir að hreinsa fyrir framan hús en ég var bara alveg búin þegar ég var búin með stærri helminginn og ákvað að skella mér í sturtu og undirbúa matinn.
Við grilluðum svo bleikjuna sem Davíð kom með heim úr Veiðivötnum og var það ekkert smá sælgæti og svo grilluðum við banana og vorum með ís og banana í eftirmat.
Pabbi kom og borðaði með okkur og sátum við svo bara um kvöldið að spjalla og skoða myndir og skemmtum okkur konunglega.
En svo er vinnuvikan byrjuð aftur og maður er komin á fullt í vinnu og bíður bara eftir næstu helgi en þá ætla Eva og Gunni að ganga í hjónaband og ætlum við Davíð að halda uppá okkar 6 ára brúðkaupsafmæli með því að horfa á þau játast hvort öðru og skemmta okkur svo með þeim í brúðkaupsveislunni, sem er bara gaman.

knús og kremjur

Halló Halló

2006-07-12T11:30:00.000Z

Jæja helgin var auðvitað alveg dásamleg, ég kláraði eina púslu, marga bjóra og margt fleira.
En við skemmtum okkur allar mjög vel og fengum svo þetta geggjaða veður á sunnudeginum þannig að það var bara steikt sig á pallinum allan daginn og haft það notalegt.
Potturinn var mikið notaður og grillið líka :)

Andrea litaði á mér hárið á mánudagskvöldið og skellti í það nokkrum bönunum líka :) já hún er stórskrítin þessi vinkona mín en hárið er dúnmjúkt og fallegt eftir þá meðferð.
Í kvöld er svo hommamyndakvöld hjá okkur stelpunum hí hí já við ætlum að horfa á hina umtöluðu hommamynd, bara gaman það.

En svo ætlar mútta krútta að fá lánaðan bústaðinn okkar um helgina og fara með 3 vinkonur sínar þangað yfir helgina í "stelpuferð" þannig að ég og Davíð ætlum að bruna uppeftir á morgun og taka til þar og undirbúa fyrir þær, þannig að þetta verði nú kósí og flott þegar þær mæta.
Davíð ætlar líka að fara með nýju borðplötuna og festa hana á innréttinguna og svo ætlum við að fara með borðið og stólana sem Guðný vinkona gaf okkur í eldhúsið.

Já og litli snúður (sem er Atli, Jóhanna mín) hefur það bara rosa gott og allt gengur alveg ótrúlega vel hjá honum, hann er svo glaður og sáttur að það hálfa væri hellingur.
Mamma er alltaf hoppandi syngjandi glöð eftir að hún heyrir í honum því hann er svo hamingjusamur og líður svo vel.
Hann átti nú líka 8 vikna edrú afmæli í gær og hringdi í Diddu sína í gær þannig að ég gat fengið að óska honum til hamingju með vikurnar 8.

Þannig að allir eru glaðir og hamingjusamir og lífið er dásamlegt.

knús og kremjur á línuna.

Loksins loksins

2006-07-07T16:51:00.000Z

Er komið helgarfrí :)

Ég er búin að vera að vinna eins og skeppna alla vikuna, en ég er að vinna fyrir Forna kallinn sem þurfti að fara í smá aðgerð og kemur ekki aftur fyrr en í september.
Þannig að þangað til þá verð ég bara í vinnunni held ég :(

En maður verður þá líka bara ríkur í staðinn :)

En núna er ég að fara að labba út úr vinnunni minni og ætla að bruna með stelpunum upp í bústaðinn hennar Victoriu og þar ætlum við Andrea, Victoria og Ása að slaka á og skemmta okkur yfir helgina á meðan að kallarnir fara í veiðiferð.

Davíð og co fóru í morgun uppí Veiðivötn og koma aftur á sunnudagskvöldið og þeir eiga örugglega eftir að skemmta sér þarna alla helgina og koma vel lyktandi heim á sunnudaginn.

En við ætlum að hafa það notalegt í pottinum, við spilamennsku, við drykkju, við grillið, á spjallinu og sofa út :)

Já og í dag fór litli snúður á Staðarfell og nú teljum við niður, 28 dagar í dag, vá hvað ég á eftir að sakna hans mikið, það var svona kveðjuveisla hjá okkur í gær og var það mikið mikið gaman.
Það var svo mikið hlegið yfir gömlum videóupptökum að ég er með strengi í maganum.
Ágætis æfing það :)

Jæja góða helgi allir saman sem detta inná þetta blogg mitt
knús og kremjur Sigga Ásta

Gæsamyndir

2006-07-02T18:08:00.000Z

Var að setja inn fleiri myndir frá gærdeginum í my pictures ef þið viljið skoða.
Annars er ég að fara í mat til tengdó núna þar sem afi Leifur fékk að fara í dagsleifi af spítalanum og ætlum við að borða saman í kvöld.
En eftir það erum við Victoria, Ása og Hrefna að fara í bíó og Andrea ef hún verður komin úr bústaðardjamminu sínu.
Ótrúleg kaldhæðni eitthvað í lífinu stundum afi Leifur er búin að vera lengi inni á spítala og svo loksins fær hann að koma heim í einn dag eða frá 14 til 20 og þá er Ingibjörg konan hans lögð inn en hún var eitthvað slöpp í morgun og átti allt í einu erfitt með gang og eitthvað, en sennilega er þetta eitthvað blóðtappa vesen en við vonum það besta.
Allavega ætla að ég að fara og njóta mín með tengdafjölskyldunni í matnum núna og svo vinkonunum eftir matinn.

Eva gæs

2006-07-02T11:32:00.000Z

Jæja litla leyndarmálið með laugardaginn var gæsaveisla Evu vinkonu.
Við semsagt leigðum svona 9 manna bíl og Anna náði í okkur allar um morguninn og við fórum svo allar saman til Evu ruddumst inn og náðum í hana. Við vorum allar með svona rauð púka horn á hausnum en Eva fékk svona engladót. Jæja svo var farið í dekur í Mecca Spa þar sem Eva var látin í nudd og við hinar dúlluðumst í heitum potti á meðan, Eva kom svo þangað og þá var skálað og fengið sér samlokur. Eftir pottinn var Eva klædd í gæsabúninginn.

Jæja svo var haldið í Kringluna þar sem Eva var send í Ríkið til að versla eitthvað áfengi sem hún vildi drekka yfir daginn. Hún var látin fara ein þangað í dressinu sínu. Jæja svo næst var brunað í Ármúlan í magadanshúsið þar sem við fórum allar í magadanskennslu í hálftíma og Eva fékk svo auka kennslu í súludansi í hálftíma, það var alveg ógeðslega gaman og allir rosa ánægðir með það.
Jæja allir voru svangir eftir dansinn þannig að það var farið á American Style og hámað í sig hamborgara og annað álíka ógeðslegt, þessu var skolað niður með bjór og stemmingin var rosa góð.
Næst fórum við á stað sem ég má ekki segja frá alveg strax svo það skemmi ekki steggjunina á Gunna en þar vorum við í nærri klukkutíma að gera dálítið alveg ógeðslega skemmtilegt.
En svo fórum við aftur í kringluna því okkur vantaði meira áfengi :)
Tívolíið var svo eftir það og var gæsin ekki voða glöð með það en hún fór í eitt tæki með okkur og við létum það duga fyrir hana og fórum svo bara nokkrar í önnur tæki og skemmtum okkur vel, flestar fengu reindar smá svima og hausverk enda allar orðnar vel í glasi.
Jæja eftir þetta enduðum við heima hjá mér þar sem við tókum okkur til á djammið og fengum mat frá Tapas barnum. Það var auðvitað mikið stuð hjá okkur um kvöldið það var farið í Singstar og mikið hlegið en djammið endaði svo á Stuðmannaballi á Nasa.

Þetta var alveg æðislegur dagur og ég vona að gæsin hafi verið glöð með þetta.
Ég hlakka allavega til í brúðkaupinu að sjá videó upptökur af þessu og myndasýningu :)

Pabbi

2006-06-29T17:33:00.000Z

Jæja ég hringdi í pabba í dag og viti menn hann bara svaraði mér edrú og allt.
Kraftaverkin gerast :)
En hann sagði mér að hann væri að bíða eftir að komast inn á Vog og hann ætlaði að vera í sambandi við mig þegar hann færi að fá aðeins betri heilsu.

Mikið væri það nú gaman að hann fengi jafn góðan bata og sumar hetjur sem ég þekki :)

Draumar

2006-06-28T19:01:00.000Z

Í nótt dreymdi mig mjög skrítin draum en það var þannig að pabbi var að kveðja mig í draumnum því hann var að fara til Himnaríkis. Hann sagði við mig að ég ætti að vera glöð því að hann gæti ekki drukkið í Himnaríki og yrði því aldrei fullur aftur og þar mundi honum líða vel.
Hann var svo að spenna á sig öryggisbelti og sat í svona bílsæti sem var samt einhvernvegin ekki í neinum bíl og svo var hann að taka mig í fangið og spenna mig ofan á sig og mér fannst þetta allt bara voða eðililegt.

Ég er búin að vera að hugsa um þetta af og til í allan dag í vinnunni því þetta var mjög skrítin draumur og það sem pirrar mig mest er að í vetur þá dreymdi mig að ég var komin með krabbamein í hálsinn af nikótíntyggjóinu og ég var að kveðja alla í draumnum og það var svo sárt og ég var bara ónýt allan daginn eftir. Nóttina eftir það dreymir mig að pabbi sé fallinn og það var líka svona ógeðslega raunverulegur draumur og svo daginn eftir hringi ég í pabba og þá er hann fallinn þannig að ég auðvitað hætti strax á tyggjóinu.

Nú kemur svo þessi draumur og ég verð eiginlega að játa það að ég þori ekki að hringja í pabba.
Ekki það, það væri svo sem mjög eðlilegt að hann svaraði ekki í símann því hann gerir það nú ekki alltaf en samt get ég einhvernvegin ekki hringt í hann heldur.

Gamlir vinir

2006-06-28T12:26:00.000Z

Ég fór í gær á kaffihús með Fífu vinkonu en við höfðum ekki hist í 1 og 1/2 ár og vorum því á spjallinu framm á nótt enda mikið að tala um.
Rosalega var gaman að hitta hana aftur enda er þetta frábær stelpa og alveg einstök vinkona, við þurftum auðvitað að segja hvor annari hvað hefur skeð í okkar lífi síðasta árið og var því mikið talað og næsti hittingur hjá okkur verður innan viku því við erum sko ekki nærri búnar að tala :)

En svo er vinnudjamm á föstudagskvöldið allur laugadagurinn er planaður í dálítið sem ég get ekki skrifað um strax á blogginu mínu því ákveðin manneskja má ekki vita af þessu strax :) úúú spennó og svo er bara frí á sunnudaginn þannig að ef einhver er með góða hugmynd að einhverju til að gera á sunnudaginn þá er ég opin fyrir öllu.

Victoria átti svo afmæli núna 26.júní Til hamingju dúllan mín og var farið á Pizza Hut og borðað þar saman nokkrir vinir hennar og var það rosa stuð og auðvitað alveg sjúklega góðar pizzur á Pizza Hut þeir meiga eiga það að þeir kunna að gera pizzur en verðið er aðeins of hátt.
Já svo erum við Victoria og Ása allavega að fara í bústaðinn hennar núna 8-10 júlí svona stelpuhelgi því strákarnir fara í veiðiferðina og við í bústaðinn, allir sáttir við þau skipti :)

Jæja best að fara að vinna eitthvað líka knús og sólarkveðjur Sigga Ásta

Góður dagur :)

2006-06-26T23:59:00.000Z

Ég elska þetta líf, eins og það getur stundum verið erfitt og sárt þá getur það líka komið manni svo mikið á óvart með svo litlum hlutum sem gefa okkur samt svo mikið.
Bróðir minn er sennilega ekki að gera sér grein fyrir því hvað hann er að gefa mér mikið þessa dagana en það er ekkert smáræði. Hann kom í örstutt stopp hérna áðan og við hlógum aðeins og spjölluðum eins og við tvö gerum og enginn annar skilur okkur.
Mér leið eitthvað svo skringilega áður en hann kom en núna líður mér bara vel og ég er svo sátt og glöð. Það er svo yndislegt að fá til baka eitthvað sem maður hélt að væri farið og kæmi aldrei aftur.

Sumarið er komið :)

2006-06-24T00:42:00.000Z

Ég tók mér sumarfrísdag í dag og vá ég valdi rétta daginn. Ég byrjaði á því að sofa út eða alveg til kl 11 þá fórum ég og Björg í sund í sólinni og láum í pottinum og fórum í boltaleik sem var mjög gaman. Eftir það fórum við í Bónus að versla endalaust mikið af kjöti og drasli fyrir grillveislu sem var um kvöldið. En svo fórum við á Hressó að hitta Álfheiði og vá hvað það var gott veður við sátum í garðinum á Hressó og það var alveg suðupottur þarna við gátum varla talað saman fyrir hita maður var bara of máttlaus og nennti ekki neinu, sem er alger snild og við náðum okkur bara í smá brunku og allt :)
En jæja svo komum mamma, Atli, Biggi, Hlynur, Guðni og Björg í grill til mín og Davíðs um kvöldið.
Það var ógeðslega gaman og ógeðslega góður matur, ég litaði svo hárið á múttu minni svona til að lappa aðeins uppá hana og svo fékk ég mér einn bjór.
Núna sitjum við hjónin fyrir framan sjónvarpið hann að horfa á einhverja ógeðslega krípi mynd og ég hugga mig á netinu á meðan svo ég fái ekki martraðir í nótt af því að horfa á svona viðbjóð :)

En á morgun á svo að fara að hjálpa Guðný og Fannari að flytja þau voru að kaupa sér hús í Hlíðunum og munum við núna geta fengið okkur kvöldgöngur og kíkt í kaffi til hvor annarar sem er bara alger snild. Um kvöldið er svo afmæli hjá Rakel og er skvísan að verða alveg 25 ára, til hamingju með það.
En núna er ógeðslega myndin búin þannig að ég ætla að hætta á netinu og fara að knúsa kallinn minn.

Góða nótt :) og gleðilegt sumar (sem loksins er komið)

Fjölskyldumynd

2006-06-18T23:00:00.000Z

Hérna eru heimsins besta mamma mín, heimsins besti yndislegi bróðir minn, sæta kærastan hans og svo litla Guðrún Eygló frænka.

Við vorum í fjölskyldu grillpartý í kvöld og Atli með okkur og mikið var það gaman.
Annars var helgin alveg frábær föstudagspartýið var alger snild en ég var bara púki og hætti við að fara í bæinn með stelpunum á laugardaginn en það var nú samt gaman hjá okkur.

En svo er það bara vinnan á morgun :( ekkert gaman en það eru þá bara 5 dagar í næstu helgi og þá verður farið í bústaðinn okkar :)

knús og kremjur

Já................

2006-06-15T23:32:00.000Z

Vinnufundurinn gekk bara mjög vel, auðvitað voru þetta óþarfa áhyggjur hjá mér en ég er voða glöð að þessu er lokið.
Litli brói kom í heimsókn í kvöld og kærastan hans hún Gerða. Það er svo gaman að hitta hann bróa litla þessa dagana enda líður honum svo vel og allt er að ganga svo rosalega vel hjá honum núna og hann er svo hress og skemmtilegur og gaman að vera með honum.
En já svo er pottapartýið á morgun hjá henni Röggu og ætla allar skvísurnar í vinnuna fyrir utan tvær að mæta og fá sér í glas og djamma. Við ætlum að panta mat á Nings og hafa svaka stuð.
Ég og Andrea ætlum svo að kíkja á næturlífið á laugardagskvöldið og skemmta okkur.
Þannig að helgin er bara plönuð og svo næsta helgin líka en þá ætlum við hjónin að skella okkur austur í bústaðinn okkar og fara að gera eitthvað þar enda komin tími til að fara að laga hann greyið eftir veturinn.

Ég er samt búin að vera að spá í hvenær sumarið ætli að koma, það kom í maí og voru margir sólardagar þá sem maður má þakka fyrir en síðan ég kom heim frá Spáni er búið að vera skýjað eða rigning ekki endilega kalt en svona grátt og leiðinlegt. Ég er allavega farin að bíða eftir sumrinu, ég fór meira að segja í úlpu á kaffihús í gærkvöldi og það er júní, þetta er ekki í lagi.

Jæja best að fara að skríða undir mjúku sængina mína og lúra í hausinn sinn svo maður verði nú hress og kátur á morgun í partýinu.

Góða nótt kæra net :)

Vinnufundur

2006-06-13T23:19:00.000Z

Jæja tónleikarnir voru æðislegir, mér fannst þeir samt betri fyrir hlé þegar þeir voru að taka gömul þekkt lög en eftir hlé var öll dark site of the moon og hún er góð en sum lögin bara svo rosalega þung. En þetta var allavega alveg frábær upplifun og við skemmtum okkur rosalega vel.

En á morgun er ég að fara á vinnufund með 7 strákum í vinnunni minni það eru tveir fulltrúar úr hverri deild og ég ásamt öðrum í minni deild förum fyrir okkar deild í þennan hóp.
Samskipti innan og milli deilda er vinnuhópurinn minn og við eigum að taka fyrir þessi mál og koma með tillögur að endurbótum.
Ég get ekki sagt að ég hlakki mikið til að gera þetta en íllu er best af lokið svo það er alveg eins gott að drífa þetta bara af. Málið er það að mér finnst ég ekki hafa neitt framm að leggja á þessum fundi ég hef engar sérstakar lausnir á vandamálum í vinnunni.

En maður verður bara að harka af sér og láta sér detta eitthvað sniðugt í hug til að leggja framm.
Ef ég þekki mig rétt þá verð ég sjálfsagt bara eins og bjáni og kem með eitthvað lélegt djók svona til að segja eitthvað og hressa alla við. Þetta er eins og þegar ég átti að fara að standa upp á aðalfundi Tilveru og leggja framm ársreikninga félagsins vá hvað ég var stressuð og þar þurfti ég líka að láta alla hlægja til að mér liði betur, hvað er málið með það að láta alla hlægja ???
Einhver sagði einu sinni við mig hugsaðu bara um allt liðið eins og það sé nakið og þá er þetta ekkert mál, en það er bara ekki satt þá líður mér ennþá ver, sem mér finnst reindar bara hið besta mál, maður á ekki að vera að hugsa um fullt af fólki nakið :)
En ég komst í gegnum aðalfund Tilveru þannig að ég kemst í gegnum þetta líka ég veit það alveg en ég vildi bara að ég gæti lesið eitthvað eða hefði einhver gögn til að skoða ekki að ég þurfi að punkta eitthvað niður og koma með einhverjar uppástungur sjálf.

Roger Waters

2006-06-12T16:51:00.000Z

Núna eru bara 3 tímar þar til tónleikarnir byrja :)
Ég er að springa hérna ég hlakka svo til, þetta á eftir að vera alveg TRUFLAÐ.

Óvissuferðin

2006-06-11T14:29:00.000Z

Við mættum í Borgartúnið kl 12:52 og þá var boðið öllum uppá pizzu og kók og fólki skipt niður í lið 5 manns voru í hverju liði, ég, Forni, Svenni, Eva og Alli vorum saman í liði og var okkar lið nr 7.
En svo næst var farið með allt liðið út í strætóskýli og þar kom strætó og sótti okkur og rúntaði með okkur í svona 15 til 20 mín og setti okkur svo út á Grensás og þar var okkur sagt að finna Skeifuna 9. Þar beið okkar svo bílaleigubílar 1 á hvert lið og poki með vísbendingu, prjónum og garni, peningum og einhverjum blöðum og penna. Fyrsta vísbending var krossgáta sem við áttum að leysa svo við vissum hvert við ættum að fara. Þegar krossgátan var komin þá sáum við að við áttum að fara í Sigtún 38 eða Grand Hótel Reykjavík. þar beið okkar svo umslag í afgreiðslunni.
Úr þeirri vísbendingu sáum við að við áttum að fara uppí Perlu. Þar áttum við að kaupa tvo barnaísa og borða og fengum svo næstu vísbendingu. Næst var það Nauthólsvík og þar beið okkar næsta vísbending sem var svona "Kauptu kleinuhring með hvítu glassúri og komdu með hann niður í stjórnarráð við gerðum það og fengum okkar næstu vísbendingu.
Við þurftum að finna allskonar stittur í miðbæ Reykjavíkur og telja tennur, hnappa og mæla fótstalla með Ikea málbandinu okkar og svona sniðugt svo áttum við að koma í Maraþon í Kringlunni. Þar var okkur sagt að láta taka passamynd af öllum í liðinu ásamt einhverjum manni með skegg og/eða sköllóttum. Við fundum tvo menn með skegg og tókum tvær passamyndir þar sem það var frekar erfitt að koma öllu liðinu á eina mynd en við getum allavega sagt að það var mikið hlegið og skemmt sér við þetta.
Næst áttum við að fara í öryggisgæsluna í Smáralind með myndina og þar var okkur sagt að fara á Garðartorg og telja alla gluggana í búðunum á göngugötunni sem við gerðum.
Þar var svo liðunum öllum safnað saman og þegar allir voru komnir fengum við síðustu vísbendinguna en það var að fara niður í Fjörð og finna dómnefndina og sá sem mætti fyrstur vann keppnina. Við vorum fyrst þannig að við unnum :)

En svo var farið á Fjörukránna í fordrykk og mat og var mikið fjör þar allskonar víkingar sem sungu og háttuðu sig uppi á borðum og kveiktu í líkamshárum á hinum ýmsu stöðum :)

En já svo áttum við líka að prjóna trefil yfir allan daginn og voru liðin að prjóna á fullu í bílunum og á hlaupum líka mjög gaman.
En svo kom strætó aftur og náði í okkur á Fjörukránna og skutlaði okkur í Borgartúnið þá bauð Daði öllum heim til sín í partý og var haldið þangað og svo fórum við Ragga og Jóhanna í bæinn en ég týndi þeim báðum eftir smá stund þannig að ég tók bara taxa heim um 02:30 og þá var maður nú orðin annsi þreyttur og búin að fá alveg nóg.

Núna er maður bara heima að jafna sig í maga og haus og svona og verður því þessi sunnudagur tekinn í rólegheitum hérna á Hofteignum :)

Góða helgi :)

2006-06-09T18:52:00.000Z

Jæja enn ein helgin komin :) ótrúlegt hvað tíminn líður hratt eitthvað.
En minn ástkæri eiginmaður er búin að bjóða mér út að borða í kvöld og ætlar bróðir hans líka að bjóða sinni konu þannig að við förum 4 saman rosa kósí.
En Davíð minn er búin að vera veikur í viku núna með lugnabólgu og er greinilega farið að leiðast heima eftir þennan tíma því í dag fór hann í klippingu og ætlar svo að bjóða mér út að borða, hann á eiginlega að vera heima í dag en hann notar hvert tækifærið til að komast aðeins út :)
En á morgun er svo óvissuferð með vinnunni og er mæting kl 12:52 í Borgartúni og svo veit maður ekki meira nema að það verða rútuferðir heim kl 22:30 og 00:30 um kvöldið.
Þannig að sennilega verður bara brjálað stuð hjá mér þessa helgi eins og allar aðrar helgar.

Já og eru ekki allir glaðir að heimsendir kom ekki í vikunni þann 06.06.06 :)

Jæja góða helgi allir saman, allir að gera nú eitthvað æðislegt fyrir sjálfan sig um helgina.

Fortíðardraugar

2006-06-04T00:32:00.000Z

Í dag skeði dálítið sem ég er búin að vera að bíða eftir í næstum tvö ár.
Ég rakst á fyrverandi mann vinkonu minnar og nýju kærustuna hans sem er fyrverandi vinkona vinkonu minnar líka. En ég var með vinkonu minni sem er fyrverandi kona þessa manns og henni var svo nákvæmlega sama um þetta allt en ég bara fór alveg í mínus þetta rifjaði upp allt sem skeði og hvað þetta var eitthvað hræðilega ljótur skilnaður og ömurlegt allt saman og hvað þessi skötuhjú eru nú eitthvað ljót inni í sér að koma svona fram og gera það sem þau gerðu.
Ég einhvernveginn get ekki trúað því að þau séu hamingjusöm eftir það sem þau gerðu ég bara skil ekki hvernig það er hægt og að fara að stofna til hjónbands eftir allt sem þau gerðu það er mér óskiljanlegt að ætla í alvöru að láta samband ganga sem byrjar á lygum og svikum og öðrum ljótum hlutum. En vonandi geta þessi tvö verið hamingjusöm saman þau eiga sko sannarlega hvort annað skilið að mínu mati og ef þau geta í alvöru verið hamingjusöm saman búin að missa stóran hluta af sínum vinum og þurfa alltaf að hafa það sem þau gerðu á samviskunni þá bara æðislegt fyrir þau, en ég á aldrei eftir að geta skilið það. En það sem er fyrir öllu í þessu öllu saman er það að vinkona mín sem er yndisleg manneskja klár, falleg og skemmtileg er hamingjusöm og á svo mikið mikið mikið betra skilið en þessi tvö þannig að í sjálfu sér fór þetta allt á besta veg, vonda fólkið endar saman og góða fólkið fær það sem það á skilið.

Er ekki alltaf sagt að líkur sæki líkan heim ?

Heilagur sannleikur :)

2006-06-02T11:04:00.000Z

My Pictures >>>>>>>

2006-06-01T15:49:00.000Z

Það er komið My pictures linkur hér til hliðar og þar er hægt að skoða myndir frá Barcelona og svo mun ég bæta við þetta í rólegheitum.

Spænska orðið sem ég lærði í dag er Vale og það þýðir OK.
Þá kann ég að segja og skrifa:

Una servesa - Einn bjór
Hola - Hæ
Gracias - Takk fyrir
Amigo - vinur
Vale - Ok

Man ekki meira í bili hí hí þetta kemur allt saman í rólegheitum en nú er takmarkið að læra að tala spænskuna og ætli að maður fjárfesti ekki í eins og einu spænskunámskeiði eða svo.

Hola mis amigos :)

2006-05-31T21:15:00.000Z

Hola mis amigos.
Te extraño y desearía estar contigo allí comía cerveza con cada uno.
Gracias por un gran tiempo en Barcelona.
Espero resolver cada uno otra vez algún día.
Abrazos y besos.

Saludos,
Sigga

WHEN WE GIRLS DRINK TOO MUCH............

2006-05-31T13:19:00.000Z

1. WE HAVE ABSOLUTELY NO IDEA WHERE OUR PURSE IS.

2. WE BELIEVE THAT DANCING WITH OUR ARMS OVERHEAD AND WIGGLING OUR BUTT WHILE YELLING "WOO-HOO!" IS TRULY THE SEXIEST DANCE MOVE AROUND.

3. WE'VE SUDDENLY DECIDED THAT WE WANT TO KICK SOMEONE'S ASS AND HONESTLY BELIEVE WE COULD DO IT TOO.

4. IN OUR LAST TRIP TO PEE, WE REALIZE THAT WE NOW LOOK MORE LIKE A HOMELESS HOOKER THAN THE GODDESS WE WERE JUST FOUR HOURS AGO

5.WE START CRYING & TELLING EVERYONE WE SEE THAT WE LOVE THEM SOOOOO MUCH.

6. WE GET EXTREMELY EXCITED AND JUMP UP AND DOWN EVERY TIME A NEW SONG PLAY'S BECAUSE "OH MY GOD! I LOVE THIS SONG!"

7. WE'VE FOUND A DEEPER/SPIRITUAL SIDE TO THE GEEK SITTING NEXT TO US.

8. WE'VE SUDDENLY TAKEN UP SMOKING AND BECOME REALLY GOOD AT IT.

9. WE YELL AT THE BARTENDER, WHO WE BELIEVE CHEATED US BY GIVING US JUST LEMONADE, BUT THAT'S JUST BECAUSE WE CAN NO LONGER TASTE THE GIN.

10. WE THINK WE ARE IN BED, BUT OUR PILLOW FEELS STRANGELY LIKE THE KITCHEN FLOOR (or the mop?)

11. WE FAIL TO NOTICE THAT THE TOILET LID'S DOWN WHEN WE SIT ON IT.

12. WE TAKE OUR SHOES OFF BECAUSE WE BELIEVE IT'S THEIR FAULT THAT WE'RE HAVING PROBLEMS WALKING STRAIGHT.

Barcelona

2006-05-30T13:30:00.000Z

Þetta er Park Guell í Barcelona rosalega fallegur garður sem Antoni Gaudí gerði, við skoðuðum mikið af hans verkum eins og Pedrera og Battló og Sagrada familia.

Þetta er svo Montjuic ótrúlega fallegur staður að degi til en ég mæli með því að koma að kvöldi til því þá er þetta svona gosbrunnar út um allt með ljósum og tónlist undir og ljósin fyrir aftan höllina og þetta er svo klikkað eitthvað það er helst eins og maður sé í einhverju ævintýri en að sjá myndina er ekkert maður verður að standa þarna og sjá þetta sjálfur til að skilja þetta.

Þetta er svo tekið í Montserat en þangað fórum við í dagsferð lengst upp á fjall til að skoða kirkju, klaustur, svörtu Maríu með Jesú barnið, drengjakór, klikkað útsýni og margt fleira.
Ég mæli með þessum stað líka þetta er ótrúlegt listaverk þarna í fjallinu og einstaklega afslappað umhverfi.

Hér eru svo turnarnir á Sagrada familia en þetta er einhver sú klikkaðasta bygging sem ég hef séð hún er ótrúlega stór og er búin að vera í byggingu í meira en 100 ár og þeir eiga nú sjálfsagt eftir að vera nærri 100 ár í viðbót að klára þetta. En þó hún sé ekki tilbúin þá er þetta samt sú flottasta kirkja sem ég hef séð um ævina, það er ekki hægt að sleppa því að sjá þetta ef maður fer til Barcelona.

Hér er svo önnur mynd frá Monsterat, en þeir sem vilja sjá fleiri myndir geta svo komið í kaffi og séð mikið mikið meira en ég læt þetta duga í bili.

Knús og kremjur Sigga

American Soda :)

2006-05-30T13:18:00.000Z

Þarna er gaman að djamma og djúsa :) ég og mamma getum mælt með þessum stað þó hann heiti American Soda þá er ekkert amerískt við hann það er fólk frá Pakistan sem vinnur þarna og frá Argentínu og þau gera þennan stað alveg geggjaðan.

Ef einhver af mínum vinum kann að skrifa eitthvað á Spænsku þá væri ég alveg til í að fá að vita af því vantar að láta skrifa smá fyrir mig á spænsku svo þau geti lesið, annars eru þau orðin voða góð í íslensku eftir þennan tíma með okkur :)

Allir að koma við á American Soda ef þeir fara til Barcelona og segjast vera vinir mínir og þá fáið þið súper þjónustu og hittið þetta líka frábæra fólk.

Hola Hola !!!

2006-05-27T12:09:00.000Z

Allir eru a lífi herna a Spáni og hafa thad bara voda gott. Amma reyndar tapadi myndavélinni sinni og svo er hjólastóllinn hennar ónýtur en vid hin hofum thad gott :) og amma líka audvitad.
En vid erum buin ad fara og skoda fullt af flottum stodum og ég mun setja inn myndir tegar ég er komin heim en nuna erum vid mamma ad fara á markad hérna rétt hjá og eyda peningum thad er svo gaman svo kannski fáum vid okkur eitthvad svalandi hérna i thessum rosalega hita :) ekki 6 grádur eins og tharna hjá ykkur á klakanum.

Bestu kvedjur Sigga

Þá er bara að skella sér til Spánar

2006-05-18T12:23:00.000Z

Jæja þá er komið að því..................... ég er að fara til Barcelona bara núna eftir nokkra klukkutíma á eftir að vinn í 2 og 1/2 tíma og svo fer ég bara út á Keflavíkurflugvöll.
Það er víst eitthvað voða partý í Barcelona því þeir (Spánverjar) voru að vinna Evrópu meistara titilinn í fótbolta eða eitthvað álíka.
Þannig að það er mikið um ölvun og djamm á Spáni núna og ég kem í kvöld beint í partýlætin :)

Jæja best að fara að koma sér í hádegismat og klára svo að vinna og fara svo til útlanda.

Ef ég finn netkaffi einhversstaðar þá kannski set ég inn einhverjar fréttir.

knús og kremjur Sigga Ásta Spánarfari

Þakklæti

2006-05-16T21:10:00.000Z

Ég er þakklát í dag.
Stundum þegar eitthvað slæmt kemur fyrir verðum við að geta horft á björtu hliðarnar á því bara til að geta haldið áfram. Allt skeður af ástæðu held ég þannig að þegar við verðum fyrir áföllum þá er það eitthvað sem á að ske, við eigum að læra eitthvað af því eða að komast á réttari braut í lífinu. Því þegar eitthvað hræðilegt kemur fyrir þá verðum við að muna að það hefði geta farið svo mikið ver og þakka fyrir að þetta skuli þá bara hafa farið svona.

Þess vegna er ég þakklát í dag, því þetta hefði getað farið svo mikið ver.

Hver ert þú ?

2006-05-15T16:46:00.000Z

Mig langar að vita hver er að lesa bloggið mitt, þannig að þú átt að skrifa comment núna og segja mér hver þú ert, og ef þú vilt ekki gefa upp nafnið þitt af einhverjum klikkuðum ástæðum þá máttu bara hætta að lesa bloggið mitt :) eða gera þetta svona duló svar eins og ég fór með þér til Eyja ´98 eða eitthvað svoleiðis, því þeir sem þekkja mig vita að ég man ekki neitt sem skeði fyrir gærdaginn þannig að það verður svaka erfitt fyrir mig að finna út úr þessu sko.

Ja nema þegar vinir mínir segja að ég sé ljót og heimsk það man ég þar til ég dey, þú veist hvað ég meina sú sem ég fór með á Lambada í gamla daga og allir voru að gráta.

Svona skilja ekki allir leikinn minn annaðhvort nafn eða "HINT".

Já og svo bara ef þið hafið gleymt því þá eru 3 dagar í Barcelona :)

Fullkomin dagur

2006-05-13T17:42:00.000Z

Við vöknuðum kl 09:00 fórum í sund í sólinni og slökuðum á í heitum pottum. Röltum svo heim og þegar við vorum að koma heim kallaði Auður nágranni í okkur og bauð okkur í súpu og brauð sem við þáðum. Svo var farið í garðinn leigður mosatætari og lóðin bara tætt gjörsamlega og mosinn rakaður saman og settur í poka svo tókum við líka lóðina hjá tengdó og afa og þar var ennþá meiri mosi en hjá okkur. Síðan voru farnar tvær ferðir í Sorpu með allt draslið úr garðinum og Ingibjörg bakaði skonsur og bauð okkur í kaffi. Við erum semsagt búin að vera úti í allan dag að hreyfa okkur og vinna í sólinni og góða veðrinu og garðurinn er orðin æðislegur og við útitekinn.
Svo ætlum við að labba á Esjuna á morgun með vinnunni minni og svo grilla með þeim eftir labbið. En núna ætlum við að fara að grilla kjúklingabringur í pestó nammi nammi namm.

Já og svo í gær var aðalfundur hjá starfsmannafélaginu í vinnunni minni kl 17:00 og þar var mikið af bjór og öðru áfengi og voða stuð, partýið var síðan flutt heim til mín og var þar mikið fjör og mikið áfengi. Fólk fór samt heim eitthvað um 1 í nótt enda búið að vera að djamma frá því klukkan 17. Það var spilað á gítar og sungið og svo var Silvíu Nótt diskurinn spilaður og fólk söng með því líka, rosalegar umræður voru í gangi á svölunum um það afhverju stelpur væru druslur en ekki strákar ef þær svæfu hjá mörgum og svo var rætt um vinnuna auðvitað eins og skeður alltaf í svona vinnupartýium, en allavega þá var mikið fjör og við Davíð fáum örugglega fullt af pening þegar við förum í endurvinnsluna með allar bjórdósirnar :)

Jæja best að fara að grilla kjúkling.................................nammi nammi namm.

Góðar fréttir :)

2006-05-10T18:09:00.000Z

Jæja ég er semsagt ekki með gigt, halelúja.
En ég fór að hitta hann Árna Tómas held ég að hann heiti kl 13:00 í dag, þetta er alveg frábær læknir og ég vildi að fleiri læknar væru jafn færir og hann.
Hann spurði mig hvað ég segði gott , allt fínt sagði ég, já og hvað segirðu ertu með gigt ? Ég nei. Jæja það er nú flott þá skulum við bara finna út hvað er að þér og laga það.

Þetta var það fyrsta sem hann sagði og svo settumst við niður og ég lýsti fyrir honum verkjunum sem ég er með og sagði honum hvað ég væri búin að vera að gera til að reyna að láta mér líða betur (Andrea taktu eftir reyna), jæja en svo þegar hann er búin að hlusta á mig í nokkrar mín þá tók hann um löppina á mér og þrýsti á nokkra punkta og ég öskraði af sársauka og þá vissi hann hvað var að mér. Bara snild, en ég er semsagt með alveg hryllilega mikinn bjúg á öllum líkamanum og hann lét mig á bjúglyf tvær tegundir og svo fer ég reyndar í blóðprufu og skila inn þvagprufu á morgun bara svona til að vera alveg viss hvort það er nokkuð annað að mér.
En hann vildi meina að ég væri með svona bólgur í vöðva og vöðvafestingum í fætinum og það gæti stafað af þessum mikla bjúg sem gæti hafa komið þegar ég var í tæknimeðferðunum. Problem solved.

Og hana nú, þá er búið að fatta hvað er að ég er búin að fá lyf og á að halda áfram að passa matinn og hreyfa mig en hann sagði að nú ættu annsi mörg kg að hrynja af mér þegar ég fer að losna við allan þennan vökva AMEN.

Bara rétt rúm vika

2006-05-10T11:29:00.000Z

Jæja eftir eina viku get ég sagt ég er að fara til Barcelona á morgun.
Ég á eftir að vinna 5 daga áður en ég fer eða heila 35 klukkutíma.

Ha ha ha ha ha ha og núna er hitinn 21° í Barcelona en 8° í Reykjavík.

Annars er komið að tímanum hjá gigtarlækninum loksins í dag kl 13:00 þannig að það verður gaman að sjá hvað hann segir, mér líður mikið mikið betur enda búin að taka sjálfa mig mikið í gegn varðandi fæðuna og það hefur bara svo rosa mikið að segja í öllu alveg ótrúlegt.
En allavega vildi ég bara segja öllum sem vafra inn á þessa síðu að ég er að fara út til barcelona eftir rétt rúma viku.

Kisu krílin okkar :)

2006-05-06T12:43:00.000Z

Sund taka 2

2006-05-05T11:20:00.000Z

Jæja í staðinn fyrir að geta synt 200 metra þá gat ég synt 600 metra í morgun þannig að þetta er að koma. Svo var labbað í vinnuna og tekið með sér banana, rófubita, blómkál og jógúrt þannig að maður er að reina.
En það er pizzuveisla í hádeginu í vinnunni og mig hlakkar ekkert mikið til því ég ætla ekki að fá mér pizzu þá verð ég að drepast í maganum í allan dag en samt á mig eftir að langa í hana, r0salega getur maður verið klikkaður stundum að langa í eitthvað sem lætur manni líða svona hryllilega ílla þetta er ekki einu sinni það gott.

En í dag get ég sagt að mér líði bara vel svona miðað við síðustu daga ég er ekki að drepast úr verkjum í dag og mér var ekki svo rosalega íllt í fætinum þegar ég labbaði í vinnuna í morgun, þannig að kannski loksins er eitthvað að byrja að lagast.

Jæja helgin er að nálgast og Andrea mín er komin í bæinn, hvað getur maður beðið um meira, góða helgi allir saman.

Sund

2006-05-03T22:41:00.000Z

Ég fór í sund í morgunsólinni í morgun það var voða kósí svo lagðist ég í pottinn og lá í hitanum í smá stund, en svo fylltist potturinn af fólki frá Norge og það var voða gaman að hlusta á þau babla eitthvað á norsku, þau báðu mig að smella af sér mynd í pottinum sem ég gerði fyrir þau.
Gaman hvað túristum finnst allt spennandi sem við erum hætt að taka eftir eins og t.d. heitir pottar hí hí. En núna er ég að reina að gera það sem læknirinn ráðlagði mér og það var að fara í sund og stutta hjólatúra, ég hef reindar ekki hjólað neitt ennþá en ég og mamma förum kannski í smá hjólatúr um helgina.
Þannig að núna er ég að drekka engifer og lime, ganga í teygjusokkum, taka lýsi og liðamín, fara í sund og passa mataræðið og vonandi fer mér að líða eitthvað betur, er búin að vera mjög slæm í dag veit ekki hvort það er eftir sundið eða það að ég labbaði í vinnuna eða hvað en allavega er ég slæm núna og vona bara að það fari að lagast.

Annars lagast allt á morgun því þá flytur Andrea mín aftur suður yfir sumarið og það er bara geggjað og já það eru 15 dagar í Barcelona :)

Ferming

2006-05-01T23:10:00.000Z

Jæja þá er maður komin í bæinn aftur eftir norðurferðina, en ég setti hérna inn myndir af fermingunni og svo eina úr sveitinni en við komum við í Skagafirðinum á bóndabæ sem ég bjó á í eitt ár þegar ég var 5 ára og þar voru komin lítil lömb :)
En annars var alveg æðislegt að vera fyrir norðan og fermingin var alveg æðisleg og allt gekk bara mjög vel fyrir utan að ég læsti lyklana af bílnum mömmu inni í bílnum og afi þurfti að koma og bjarga okkur hí hí. En við fengum að vera í íbúðinni hennar Sillu og það var voða kósí bara að vera þar en við gistum reindar eina nótt hjá ömmu og afa líka og það var auðvitað alveg æðislegt ég vaknaði eld snemma um morguninn og þá voru afi og amma komin á lappir og Davíð þannig að ég skreið bara inn í afa holu og kúrði þar aðeins lengur enda eiga þau besta rúm í heimi.

En svo hitti maður vinkonurnar og það virðast bara allir hafa skroppið saman þarna á Ólafsfirði allavega líta allir rosa vel út og hafa minnkað um marga marga cm en nýr þjálfari fluttur í bæinn og hann virðist vera að gera eitthvað rétt þarna, spurning um að fara að flytja norður aftur ???

En svo var auðvitað fullt hús hjá afa og ömmu alla dagana og endalaust fjör og nóg að gera. Við komum svo við í sveitinni á heimleiðinni og vá hvað það var gaman það voru komin lömb og svo voru 5 litlir kettlingar líka og 2 hundar og fullt af hestum vá vá vá mig langar svo að búa í sveitinni bara alltaf og vera bara allan daginn að stússast í dýrunum. En það var voða gaman að hitta allt fólkið þar líka og sjá gamla húsið og hlöðuna og það allt saman.
Svo vorum við mamma að spjalla svo mikið saman á leiðinni um allt og ekkert þannig að ferðin sjálf var bara fullkomin í alla staði og allt svo frábært og gaman eins og alltaf fyrir norðan.

Jæja en svo vil ég bara minna fólk á að núna eru bara 17 dagar þar til við ferðalangarnir leggjum í hann til Barcelona :)

Bestu vinkonur !!!

2006-04-27T18:42:00.000Z

Fann þessa þegar ég var að sortera myndir og varð bara að setja hana hérna inn þar sem þetta er ágætis mynd af okkur öllum þrem en það skeður nú ekki mjög oft að það næst mynd af okkur öllum saman sem hægt er að birta svona fyrir almenning. Reyndar erum við Álfheiður eins og lík við hliðna á svertingjanum Andreu en samt eitthvað svo sætar allar saman.

Kaffi

2006-04-27T11:19:00.000Z

Jæja gott fólk ég ákvað að byrja að drekka kaffi.
Já frekar fáránlegt að fullorðin kona drekki ekki kaffi fannst mér svo það er best að fara að fullorðnast og fara að drekka kaffi.
Þannig að ég fór og keypti mér expressó könnu, könnu til að gera mjólk í Latte, tvo Swiss Mocca bolla, 4 Latte glös, flott kaffi, síróp, kakó og eitthvað fleira dót.
Núna er ég komin með svona kaffihorn og dúlla mér í þessu kaffisulli og blanda hina og þessa drykki og finnst það voða gaman.
En ennþá er meira gaman að búa þetta til heldur en að drekka þetta :)

Ég er auðvitað alger Swiss Mocca kona og hef drukkið það í mörg ár og er að blanda mér svoleiðis heima, en Latte er eitthvað sem mér finnst svo flott og langar svo að drekka ég er alltaf að öfundast útí Andreu mína þegar hún pantar sér svona þetta er í svo stóru glasi og er eitthvað svo girnilegt og svo getur maður fengið alskonar bragð útí þetta og myndir í froðunni og ég veit ekki hvað og hvað. Þetta er eitthvað sem mig langar að drekka og ég er búin að vera að æfa mig heima núna í nokkra daga og þetta kemur ef ég er bara ekki með mikið kaffi í þessu og þeimur meira af mjólk og slatta af amaretto útí þá get ég drukkið þetta :)

Þannig að kannski næst þegar ég fer í svona kaffiboð heima hjá einhverjum þá get ég fengið mér kaffi eins og "fullorðna" fólkið, það væri nú gaman.

Verkir og meiri verkir

2006-04-26T11:44:00.000Z

Í dag og síðustu daga líður mér eins og ég sé föst í líkama sem er 100 ára gamall, það er alveg ótrúlegt hvað svona verkir fara í skapið og á sálina hjá manni. Er búin að vera að drepast í fótunum og svo er öxlin núna að ganga frá mér dæli í mig íbúfeni til að reina að minnka verkina og bólgurnar en mér finnst það bara ekkert ganga.
Mikið vona ég að þessi gigtarlæknir finni einhverja skýringu á þessu og geti þá gert eitthvað fyrir mig því svona get ég ekki verið mjög lengi.
Ég er svo pirruð í skapinu af því að mér líður svo ílla af verkjunum að það er varla hægt að tala við mig, svo sef ég ílla af því að ég get engan vegin legið þannig að mér líði vel og það fer líka í skapið á mér þannig að þetta vinnur einhvernveginn allt saman.

En annars styttist í að við förum öll norður bara öll fjölskyldan því það er ferming hjá honum Axel mínum núna á sunnudaginn og þá mæta auðvitað allir á svæðið og það verður örugglega mikið fjör. Ég og Davíð og mamma fáum að vera í íbúðinni hennar Sillu sem er alveg frábært þá þarf maður ekki að vera að troðast einhversstaðar á dýnu og svo fæ ég að hitta hana Andreu mína því hún verður á Ólafsfirði þessa helgi líka :)

Jæja knús og kremjur frá gömlu konunni

Gleðilegt sumar

2006-04-21T10:50:00.000Z

Jæja fyrsti dagur sumarsins var notaður til að renna upp í bústað og skoða hvernig hann kom undan vetri, það var nú ekkert voðalega gaman að sjá elsku litla hreiðrið okkar því það er bara mikið skemmt þarna eftir veturinn.
En efri skápur í eldhúsinnréttingunni hafði dottið niður af veggnum og næstum öll glösin og diskarnir sem voru í honum höfðu brotnað en hann hafði bara gefið sig í rakanum þarna og losnað af veggnum. Já og svo er stofusófinn ónýtur en hann er orðin myglaður af raka og það þarf að henda honum út og svo eru nú sennilega einhverjar fleiri raka skemmdir sem við eigum eftir að sjá en mér fannst þetta alveg nóg þannig að ég fór bara út í bíl og gat ekki horft á þetta lengur. En Davíð og Helgi festu upp rafmagnskassan utan á húsið og svo verður núna allt sett á fullt til að klára að tengja inn rafmagnið svo við getum farið að hita húsið og stoppa þennan raka.
En við fengum okkur ís á Selfossi og svo grilluðum við í kvöldmat í tilefni komu sumarsins, þannig að dagurinn var nú ekki alveg alslæmur.

En svo af heilsufarsmálum þá er ég loksins búin að fara og hitta bæklunarlækni og hann var ekki ánægður með stöðuna á mér og ég er semsagt komin í algert stopp frá ræktinni og á að prufa að fara í sund og stutta hjólatúra í staðinn og taka íbúfen við mestu verkjunum ganga í teygjusokkum til að reina að minnka bólgurnar og svo að fara til gigtarlæknis núna 10. maí, sem vonandi getur gert eitthvað fyrir mig.
En læknirinn sagði að þetta væri voða gigtarlegt ástand á mér en það þyrfti samt ekki endilega að vera að ég væri með gigt þetta gæti líka verið að öll hormónalyfin sem ég var að taka í tæknimeðferðunum hafi farið svona ílla í liðina á mér og þessi bjúgsöfnun getur líka verið útaf því og allar bólgurnar og verkirnir. En við sjáum til hvað læknirinn segir þann 10. maí vonandi verða það góðar fréttir en þangað til ætla ég að reina að passa mataræðið og fara í sund en það á að vera ekki eins mikið álag á liðina mína.

Jæja knús og kremjur og gleðilegt sumar.

Fleiri myndir frá Barcelona

2006-04-07T11:16:00.000Z

Hér er mynd frá markaðnum sem er hinu megin við götuna frá íbúðinni okkar og svo ein af Römblunni.

Er að fara norður !!!

2006-04-06T12:30:00.000Z

Jæja ég er að fara norður eftir 5 tíma :)
Er að fara að hitta hana Andreu mína og ætla sko að knúsa hana í kaf þegar ég hitti hana og skemmta mér með henni næstu daga og fara í leikhús á morgun með afa og ömmu minni.

En svo eru að koma páskar og ég og Davíð minn ætlum bara að vera heima hjá okkur þessa páska en við höfum aldrei verið heima hjá okkur um páska áður eða síðan við fórum að vera saman semsagt í 7 ár.
Ég hlakka bara nokkuð til að prufa að vera heima hjá mér kannski ég bara skreyti eitthvað smá og eldi góðan mat og svona. Ef ég verð heppinn þá koma kannski amma og afi líka til mín og gista í herberginu hans afa :)

En annars er ég komin í smá stopp frá ræktinni er búin að rústa á mér löppinni endanlega og er að bíða eftir að komast að hjá bæklunarlækni.
En ég er búin að vera með verki í fætinum síðan í desember og svo hefur þetta verið að aukast og aukast og er orðið svo slæmt núna að ég er hætt að geta sofið fyrir verkjum og verð að taka bólgueyðandi og eitthvað vesen.
En vonandi kemst ég að hjá lækninum sem allra fyrst og vonandi getur hann gert eitthvað fyrir mig svo ég geti nú haldið áfram að æfa sem allra fyrst, ekki gaman að vera búin að eyða fullt af peningum í einkaþjálfun og vera byrjuð að ná árangri og detta svo út útaf þessu.

En annars er ég bara rosa spennt að komast til Barcelona og slaka á þar með fjölskyldunni minni í nokkra daga það verður yndislegt að komast aðeins út í smá sól og hita. Það verður líka örugglega gaman að ferðast með þessu liði þau eru svo frábær og ófeimin þannig að maður á örugglega eftir að kynnast einhverju liði þarna kannski að amma og afi eignist einhverjar dætur eða syni í Barcelona hver veit, þau eru svo ótrúleg enda eiga þau nú þegar einn tyrkneskan son Buran sem við ætlum að reina að hitta í Barcelona þegar við förum og svo eiga þau japanskan son líka sem ég held að heiti Hero. Hann og vinur hans komu til Íslands einu sinni og voru hjá ömmu og afa það var voða gaman að kynnast þeim en svo fóru amma afi og mamma til hans í brúðkaupið hans í Japan og það var ótrúleg ferð og alveg einstök upplifun.

En jæja ég læt þetta duga í bili ætla að fara að vinna eitthvað smá áður en ég fer í helgarferðina mína til Akureyrar :)

Barcelona :)

2006-04-03T09:40:00.000Z

Ég, mamma, amma og afi bókuðum okkur ferð til Barcelona í gær.
Hér eru myndir af og við íbúðina sem við ætlum að vera í frá 18.maí til 30.maí bara við Römbluna í Barcelona, bara snild.

Katie Melua og Baggalútur í kvöld!!!!

2006-03-31T14:17:00.000Z

Brjálað að gera tvennir tónleikar í kvöld fyrst Katie Melua svo Baggalútstónleikar á Nasa kl 00:00, skipuleggja Barcelona ferð já aftur komið á dagskrá og svo helgarferð norður fara í leikhús með ömmu og afa og bara allt að gerast.

En byrjum á þessum tvennum tónleikum í kvöld :)

Allir að mæta á Nasa og djamma !!!!!!! (vildi að Andrea mín væri hér til að koma með en hún er heima að læra á fullu svo hún hafi tíma til að vera með mér þegar ég kem norður næstu helgi) en ég og mömmurnar okkar ætlum að skemmta okkur fyrir hana líka.

Ég er svo stolt núna !!!

2006-03-30T15:00:00.000Z

Hún amma mín fór og lét ramma inn mynd eftir mig sem ég gaf henni og afa í jólagjöf. Vá vá vá ég er ótrúlega stolt núna bara búið að ramma inn eftir mann mynd. Amma og afi þið eruð best í heimi og mér þykir svo óendanlega vænt um ykkur og ég sakna ykkar alveg helling á hverjum einasta degi. Þið munið að herbergið hans afa er laust þegar þið komi suður næst.

Knús og kremjur

Eldhúsið að verða klárt

2006-03-29T11:05:00.000Z

Jæja loksins eru flísarnar komnar á eldhúsið okkar en það er að verða komnir tveir mánuðir síðan það flæddi á parketið okkar og er íbúðin búin að vera á hvolfi síðan, ísskápurinn frammi á gangi og svona sniðugt.
En í gær kláraði Davíð minn að þrífa fúguna og setti allt aftur á sinn stað í eldhúsinu og ég þreif íbúðina þannig að ég á heimili aftur og naut þess að labba berfætt um íbúðina í gær og eiga það ekki á hættu að stíga á grjót, flísabrot eða eitthvað álíka ógeðslegt.

En svo erum við Davíð að fara á tónleika á föstudagskvöldið með Katie Melua, Davíð gaf mér miðana í afmælisgjöf.
Annars langaði mig svo að skreppa norður til Andreu og slaka á með henni eina helgi og ég ætlaði að fara til hennar aðra helgina í apríl en þá er hún svo upptekin í prófum og ég að fara á tónleikana næstu helgi þannig að hún gengur ekki heldur, ógeðslega fúlt mig langaði að fara norður fara á kaffihús með Andreu kjafta og hlægja og svo kannski kíkja út á lífið fá okkur smá í glas og djamma pínu en aðallega bara að hitta hana Andreu mína og vera bara við stelpurnar saman að gera eitthvað skemmtilegt.
En það gengur ekki, nema að ég færi bara í flug á laugardeginum og kæmi aftur til baka á sunnudeginum æi það er samt svo stuttur tími en þá fengi ég samt að hitta hana ........ skoðum þetta aðeins.

Ok búin að skoða það og það er bara til flug á 8.300 og kl 14:00 á laugardaginn sem er nú bara svolítið seint finnst mér.

Æi það gengur ekkert upp með ferðaplön hjá mér þessa dagana, kannski ég bara hætti að reina þetta í bili og verði bara heima hjá mér, eins og alltaf.

Halló halló

2006-03-18T19:04:00.000Z

Jæja ég er loksins komin með netið aftur en það er búið að vera úti í nokkra daga núna.
Auðvitað vann ég sólgleraugna keppnina og fékk eina rauðvínsflösku í verðlaun.
Árshátíðin var alveg frábær en ég bara varð veik eftir að hafa drukkið of mikið af rauðvíni þannig að ég fékk að kenna á því næstu daga og komst ekki í vinnu fyrr en á þriðjudegi :) já ég yrði sennilega ekki góð fyllibitta hí hí það er nú sennilega mjög gott mál.
En annars er bara allt rosa gott að frétta í dag skellti ég mér í göngutúr og labbaði yfir Úlfarsfell með fólki úr vinnunni það var rosa gaman þó það væri rigning og þoka og dálítil mikil drulla á leiðinni og við yrðum blaut í gegnum skóna og allt. Eftir þetta fórum við heim til einnar sem ég er að vinna með og fengum heitt kakó og þá lagaðist þetta allt saman :).
Davíð minn er búin að vera veikur í marga marga daga bara eina viku og einn dag í dag já hann er lasinn litla skinnið og liggur bara uppi í sófa og horfir á sjónvarpið allan daginn ég reini svo að stjana við hann eins og ég get en vonandi fer hann að lagast fljótlega.

En já svo er ég komin með miða á tónleikana með Roger Waters þann 12 júní og vá hvað mig hlakkar til ég bara get varla beðið eftir þessu þetta verða geggjuðustu tónleikar ever sennilega mundi U2 toppa þá en þetta er alveg frábært. Já og hann Davíð elsku yndislegi maðurinn minn gaf mér miða á tónleika með Katie Melua núna 31.mars þannig að við erum að fara á tvenna tónleika núna á næstu mánuðum.

En amma ef þú lest þetta blogg þá læturðu afa kannski vita að hann þurfi að labba uppá Úlfarsfell með mér næst þegar hann kemur í bæinn og það er ekki þoka þá er þetta örugglega mjög fallegt. Jæja læt þetta duga í bili knús og kremjur á alla.

Sigga Ásta göngugarpur

Mynd 1: Ég, Forni, Ólöf og tíkurnar Grýla og Þoka á toppnum á Úlfarsfelli
Mynd 2: Ég og ástin mín á árshátíð STÖM 2006

Sólskinsdagur

2006-03-09T20:50:00.000Z

Á morgun föstudag eiga allir í vinnunni minni að koma með sólgleraugu í vinnuna og svo verða veitt verðlaun fyrir flottustu gleraugun á árshátíðinni okkar á laugardagskvöldið.
Ég fór að föndra mér sólgleraugu og hérna er útkoman, haldið þið að ég vinni ?

Helgin í bústaðnum

2006-03-06T17:51:00.000Z

Jæja helgin var alveg hreint frábær, við borðuðum á okkur gat, drukkum rauðvín og bjór, slökuðum á í pottinum, horfðum á sjónvarpið, sváfum, spiluðum og skemmtum okkur alveg ótrúlega vel. Þetta byrjaði reindar þannig að þegar við Davíð komum í bústaðinn þá kom í ljós að potturinn var bilaður og við þurftum að hringja í pípara, og svo gleymdum við að taka með okkur kol og olíu (maður er svo vanur gasi) að Álfheiður og Jói þurftu að snúa við og ná í kol og olíu á Selfoss en fyrir utan þetta tvennt þá var helgin alveg fullkomin.
Á sunnudeginum fórum við meira að segja að skoða Gullfoss og Geysi og fengum okkur svo heitt kakó eftir það en svo var haldið í bæinn eftir hina langþráðu afslöppunar helgi.

Mynd 1 er liðið við Gullfoss
Mynd 2 er frosinn gróður sem ég fann við borholu á Syðri Reykjum
Mynd 3 er Davíð og Jói að slaka á í pottinum
Mynd 4 er Strokkur að sýna sig

Knús og kremjur Sigga Ásta

3.mars 2006 Afmælisdagurinn minn

2006-03-03T13:14:00.000Z

Ég á afmæli í dag :) það er alltaf svo gaman að eiga afmæli.
Var með kaffiboð heima í gær og það var bara fullt hús af fólki og kökurnar bara næstum kláraðar hí hí. Ég fékk fullt af pening í afmælisgjöf eða alveg heilar 35.000 kr sem dugar akkurat fyrir einum mánuði hjá þjálfaranum mínum bara snild en svo fékk ég blóm og baðdót og nuddtíma bara gaman.
En svo í dag kom maðurinn minn með lítinn sætan kaktus í vinnuna til mín og sagði mér að afmælisgjöfin mín byði eftir mér heima þessi sem hann keypti í nóvember takið eftir ég er ekkert smá spennt að sjá hvað það er. En svo ver ég með kökuveislu í vinnunni líka og fékk annsi margar afmæliskveðjur og svo var sungið fyrir mig afmælissöngurinn þegar ég mætti af skrifstofuskvísunum sem ég vinn með þannig að það er bara gaman í vinnunni í dag og ég hætti kl 15:00 eða eftir næstum tvo tíma þannig að þetta er fullkomið. Ég skellti mér í ræktina í morgun já það er enginn miskunn þó maður eigi afmæli nei nei bara harkan á þessum bæ sko. En ég ætla sko að fá mér rauðvín og grill mat og drasl í bústaðnum um helgina þá verður átakið bara sett aðeins uppá hillu á meðan :)

Jæja ég ætla að halda áfram að njóta mín á afmælisdaginn minn og njóta mín bara alla helgina.

En já eitt en í dag eru líka 26 ár síðan að mamma mín varð mamma hí hí hún sendi mér þetta í smsi og mér fannst það svo sætt, mamma er sko engill með vængi en hún vill halda að ég sé það skrítin þessi kona.

Knús og kremjur á línuna Góða helgi.

Afmælisbarnið

ps já eitt enn hver veit afhverju þetta heitir afmæli ?

Hún Álfheiður vinkona mín sagði mér að það væri af því að nú mælist af eitt ár að ævi minni klár kona hún Álfheiður mín.

Fyrsti mánuðurinn búinn :)

2006-02-28T09:47:00.000Z

Jæja jæja þá er fyrsti mánuðurinn búinn hjá einkaþjálfaranum mínum og önnur mæling.
En ég er sko bara á niðurleið :) er búin að missa 35,5 cm já alveg hreint ótrúlega geggjað sko er búin að missa 10 cm yfir magann og aðra 10 cm utan um mig að ofan og svo 2 cm af hálsinum og ég man ekki meira en ég er alveg ótrúlega ánægð og get bara ekki hugsað mér betri afmælisgjöf en svona góðan árangur.

En annars er rosa átveisla í kvöld hjá mömmu og þá ætla ég að fá mér saltkjöt og baunir. Ég, Davíð, Björg, Auðun, Afi Guðni, mamma, Atli, Friðrik, Biggi og Guðni frændi ætlum að mæta og gera matnum góð skil.

En svo styttist í bústaðarferðina okkar hjóna með Álfheiði og Jóa og er ég orðin svaka spennt að komast í pottinn með rauðvínið mitt :) í nýju sundfötunum mínum.

Já svo er hann afi minn fluttur til okkar í viku núna sem er auðvitað alveg frábært alltaf gaman að hafa hann afa minn hjá mér.

En svona að lokum ef þú lesandi góður hefur hugsað þér að gefa mér afmælisgjöf þá á ég allt og vantar ekki neitt en mig langar að benda fólki á að gefa mér pening svo ég hafi nú efni á þessum einkaþjálfa mínum áfram hann kostar sko peninga en er hverrar krónu virði fyrir svona árangur.

Knús og kremjur Sigga Ásta ofurduglega

Lífið er svo yndislegt

2006-02-23T19:27:00.000Z

Jæja jæja er ekki komin tími á smá blogg hérna.
En í dag eru komnar 3 vikur síðan ég byrjaði hjá einkaþjálfaranum og er ég bara strax farin að finna mun á mér þá aðallega hvað mér líður vel og er hressari sef betur og svoleiðis er ekki farin að sjá mun á mér eða finna mun á fötunum.
En þetta er ennþá alveg rosalega gaman og það er ótrúlegt en satt að það er ekkert mál að vakna kl 5 á næturnar til að fara í ræktina.

En það var síðan smá partý hérna um helgina eða svona Euróvision partý og var hún Silvía Nótt studd heils hugar þó Regína Ósk ætti sigurinn skilið, það var bara meira fjör að halda með Silvíu og gaman að senda eitthvað svona rugl í keppnina við vinnum hvort eð er aldrei. En mér fannst lagið sem hún Regína söng lang flottasta lagið og fékk alveg svona fiðring þegar ég heyrði það.

En já svo í gær fórum við hjónin á kaffihús að hitta Guðný vinkonu og Eika og þá kom nú í ljós að Guðný sem verður 30 ára núna 1.mars ákvað sko að fara í bústað um afmælishelgina sína 3 - 5 mars og það í Miðhúsaskógi alveg eins og ÉG hí hí bara gaman þannig að við ætlum sko að hittast í miðhúsaskógi og halda uppá afmælin okkar.

Hí hí heimurinn er svo lítill stundum og skemmtilegur.
En annað kvöld erum við svo að fara í bíó á myndina Blóðbönd Davíð vann miða á hana og ætla mamma og Friðrik að skella sér með okkur, rosalega er langt síðan ég fór í bíó á íslenska mynd ég bara man ekki hvað ég sá síðast íslenskt í bíó.

En já svo á morgun þá er ég að fara út að borða með stelpunum í vinnunni því að kallarnir sem við vinnum með ákváðu að bjóða okkur á Iðu í hádeginu á morgun í tvíréttaðan hádegismat af því að við buðum þeim í bóndadagskaffi á bóndadaginn þá bökuðum við 3 kökur á mann og vorum með rosalegt kaffi, þannig að nú fáum við það borgað.
Þannig að ég fæ að borða á morgun í hágeginu en svo er það bara harkan sex alla helgina fæ ekkert að svindla neitt meira og verð að vera rosalega dugleg alla helgina.
Svavar er farin að láta mig skrifa matardagbók og á ég núna að taka mataræðið í gegn alveg á fullu og vera ennþá meira dugleg en ég hef verið vá gangi mér vel það er sko ekki mjög auðvelt að taka matinn í gegn er svo mikill nammigrís að það er ekki eðlilegt og finnst allt svo gott sem ég má ekki borða eins og brauð, kökur, nammi, sósur og svona kolvetnarík fæða vá ég er kolvetnafíkill og á að forðast þau eins og heitan eldinn ekki sanngjart það.

En jæja það er fimmtudagsköld og klukkan að verða átta þannig að það er best að fara að koma ser fyrir og horfa á Family Guy, Will & Grace, Everybody loves Raymond, Bachelorinn og sex inspectors, já fimmtudagskvöld eru sko sjónvarpskvöld og það þarf eitthvað mikið að ske svo ég sé ekki heima að horfa á sjónvarpið á þessum kvöldum.

Knús og kremjur .........................................helló TV

Fjögur atriði

2006-02-15T19:34:00.000Z

Jæja hún Jóka skoraði á mig að svara þessum spurningum svo hér kemur það :

Fjögur störf sem ég hef unnið yfir ævina:

Öryggismiðstöð Íslands, þjónustufulltrúi.
Leikskólinn Efstahjalla,
Ryðvörn Þórðar
Gullnesti

Fjórar kvikmyndir sem ég gæti horft á aftur og aftur:

Crow, Pretty Woman, Maby baby og Ghost.

Fjórir staðir sem ég hef búið á:

Engihjallinn frá 1999 - 2005
Haðarstígur af og til frá 1995 - 1999
Brimnesvegur Ólafsfirði 1992 - 1995
Strandgata Ólafsfirði 1987 - 1992

Fjórir sjónvarpsþættir sem mér líkar:

Friends, King of Queens, My name ´s Earl, Prison brake.
Og miklu miklu fleir er þátta sjúk.

Fjórar síður sem ég skoða daglega fyrir utan bloggsíður:

Tilvera, Hnossið, gmailið, og síðan er það bara bloggsíður.

Fjórar bækur sem ég les oft:

Dagskráin, myndbönd mánaðarins, og já ég les ekki mikið nema bara ástarrómans í bústaðnum.

Fjórir staðir sem ég vildi heldur vera á núna:

Sofandi uppi í rúmi, Grikklandi, París og Egyptalandi.

Fjórar manneskjur sem ég skora á að gera þennan lista:

Andrea
Victoria
Ásdís
Helgi

Jæja þá er þessu lokið ég stóð við mitt Jóka.
Gaman að sjá hvort liðið sem ég skoraði á gerir þetta líka.

knús og kremjur

14. febrúar 2006

2006-02-15T11:22:00.000Z

Í gær áttum við hjónin 7 ára trúlofunarafmæli :)
Ótrúlegt alveg að það skuli vera liðin heil 7 ár ég bara trúi því varla.
En dagurinn var bara nokkuð góður ég fór auðvitað til þjálfarans míns um morguninn og tók ferlega vel á því og leið ekkert smá vel á eftir.
En svo var það bara vinnan og svo afmæli hjá henni Thelmu minni sem er orðin 2 ára gömul stóra systir, hún var reindar lasin greyið en alveg ótrúlega góð og hress fyrir það. Við hjónin vorum svo bara saman heima um kvöldið og horfðum á sjónvarpið og settum lög inná nýja Ipotinn okkar sem kom í gær.

En annars var ég að láta yfirmanninn minn hafa ferilskránna hennar Andreu svo kannski er hún að koma að vinna hérna á skrifstofunni með mér í sumar það væri nú fjör kemur í ljós kemur í ljós.

Jæja best að fara að gera eitthvað.

Betró

2006-02-12T00:40:00.000Z

Varð að setja þessa hérna inn sem Jóka sendi mér en þetta er tekið eftir æfingu hjá mér og ég er eins og þið sjáið alveg búin á því er nánast að sofna þarna ofan á afgreiðsluborðið, hí hí en við erum samt ótrúlega töff gellurnar og verðum ennþá meira töff með hverjum degi sem líður.

Bréfið kom í dag

2006-02-11T00:31:00.000Z

Jæja í dag kom dálítið í póstinum sem ég er búin að vera að bíða eftir en það er bréf frá Art Medica sem segir okkur hjónum í hvaða mánuði við megum byrja í okkar fyrstu glasameðferð.
Ég var búin að sjá þennan dag fyrir mér sem mikinn gleði og spennu dag og loksins fengjum við að fara í meðferð þar sem líkurnar á þungun eru þó alla vega aðeins yfir 30 % en ekki 16% eins og þær eru í tæknimeðferð. En í dag er ég bara ekki á þessu plani ég er komin úr þessu sprautu lækna veseni og langar bara að halda því þannig fór reindar í krabbameins skoðun í morgun en þar sem því er lokið þá ætti ég að geta sloppið við allar kjallaraskoðanir og slíkt í langan tíma.
Ég er komin á fullt í ræktina er að taka mataræðið í gegn og hætt á nikótíntyggjóinu ég er glöð og mér líður vel og það er eitthvað sem ég hef ekki upplifað í langan tíma. Ég er að njóta þess að vera til ég er ekki þunglind og ég er í alvörunni að vakna kl 5 tvo daga í viku til að fara í ræktina og þunglind manneskja gerir það ekki þannig að það sannar að mér líður betur og já sálfræðingurinn minn er búin að útskrifa mig sagði að ég væri í mjög góðu andlegu jafnvægi og það væri lítið sem hún gæti gert fyrir mig í bili. Þannig að eins og staðan er núna þá erum við ekki á leiðinni í þennan pakka aftur í langan tíma ætlum að taka okkur góða pásu frá þessu erum nú þegar búin að eyða 3 árum af okkar tíma saman í þetta og ekki búin að fá barnið ennþá þannig að nú er komið að okkur við ætlum að njóta okkar og vera saman hamingjusöm og glöð líðandi vel og sleppa þessum sprautum, hormónalyfjum, læknum og veseni.
Hver veit kannski verð ég svo bara ólétt heima þegar ég er komin lengra í ræktinni og búin að ná af mér nokkrum kg og líkaminn farinn að virka réttar og betur það getur allt skeð það er ekki útilokað að við getum búið til barn svona "heimatilbúið" og líkurnar aukast til muna ef ég passa mataræðið og hreyfi mig reglulega og ég er viss um að nikótínleysið gerir mér líka mjög gott og hjálpar örugglega til við barnastandið. En allavega er planið að halda áfram á þessari braut sem ég er á í dag halda áfram að láta mér líða vel og geyma þessa meðferð i óákveðin tíma.

Jæja kannski maður fari bara að hvíla sig svo ég verði nú alveg eldhress í fyrramálið í ræktinni.

8. febrúar 2006

2006-02-08T09:13:00.000Z

Ég reif mig á fætur kl 06:30 í morgun dúðaði mig í flís frá toppi til táar tók bara flís teppi og vafði utan um mig hljóp út í bíl og brunaði í ræktina og tók smá brennslu dag. Er til einhver betri leið til að byrja daginn ég held bara ekki þetta er svo gott fyrir líkama og sál mér líður bara eins og nýrri og betri manneskju eftir æfingu.
En svo þegar ég var búin á æfingunni fékk ég sms sem ég er búin að vera að bíða eftir í tvær vikur núna en það var svona stelpa kl 00:43 53 cm og 4145 gr Gulla frænka loksins búin að eiga komin tvær vikur framyfir.
Þá á hún orðið tvær yndislegar stúlkur ein sem er fædd í dag 8. febrúar og svo á Gulla afmæli 10. febrúar og svo Thelma hin dóttir hennar 14. febrúar en í dag átti hún amma mín Klara mamma hans afa Guðna líka afmæli.
Ég kynntist henni aldrei en mér er sagt að hún hafi verið hin ágætasta kona svo þetta hlýtur að vera mjög góður dagur til að fæðast á.
Hún átti að fara uppá spítala í dag til að láta setja sig af stað en krílið ákvað að vera ekkert að leggja það á mömmu sína og kom bara í heiminn í nótt.

Til hamingju elsku Gulla, Röggi og Thelma með litlu snúlluna.

Ræktin VS glasa

2006-02-06T19:41:00.000Z

Jæja það er langt síðan að lífið hefur verið svona frábært engar sprautur engir læknar ekkert vesen þetta er yndislegt ég er bara að njóta lífsins og vera hamingjusöm.
Fór í ræktina á laugardaginn til þjálfarans og það var fótadagur og ÁI maður djöfull er hægt að finna til í þessum elskulegu vöðvum en mér fannst ég bara vera að brenna inni í mér og var rosalega fegin þegar ég mátti hætta að gera hina og þessa æfingu en svo á sunnudeginum þá vaknaði ég með svo mikla strengi að ég bara varð að fara í ræktina til að lina aðeins uppá mig og vá hvað það var gott þetta er svo frábært og yndislegt að ég bara er á rauðu skýi þessa daga og langar ekkert að fara í glasa nærri því strax vil bara fá að vera í ræktinni fá mér rauðvínsglas passa matinn og vera svona glöð og hress í marga mánuði í viðbót.
En ég fór í mælingu á laugardaginn líka og vigtun og ég hélt bara fyrir augun þegar ég steig á vigtina og þjálfarinn veit bara hvað ég er þung ég ætla ekki að einblína á kg núna heldur að horfa á mig í speglinum og sjá munin á mér og bara að finna hvað mér líður betur og betur með hverjum deginum. En svo langaði mig heldur ekkert að sjá þessa ljótu tölu á vigtinni þannig að það er voða fínt að geta bara borgað einhverjum fyrir að laga þetta og sjá um þetta fyrir mig :)

Jæja svo er það bara næsti tími hjá þjálfaranum í nótt kl 06 og þá á ég að byrja fyrir alvöru jæja það verður eitthvað skrautlegt þar sem ég er næstum dauð eftir hina tímana þá verður gaman að sjá hvernig ég verð eftir fyrsta alvöru tímann minn hí hí.

Jæja ætla að fara að drekka mikið vatn og horfa á sjónvarpið í smá stund en svo verð ég að fara snemma að sofa knús og kremjur Sigga Ásta eða eins og Jóka er búin að nefna mig Sexnegger

Kærkomin nætursvefn

2006-02-03T14:47:00.000Z

Vá ég er endurnærð svar í alla nótt var búin að stilla klukkuna á 7 og ætlaði að skella mér í brennslu í morgun en þegar hún byrjaði að væla slökkti ég bara á henni og svaf ennþá meira og fór ekki frammúr fyrr en að verða hálf níu og græjaði mig í vinnuna. En ég er með geggjaða strengi í öxlunum og ætla bara að skella mér í sund eftir vinnu synda smá og fara svo í pottinn til að losa aðeins um strengina langar svo rosalega að fara í keilu eða bíó í kvöld spurning hvort ég fæ einhvern með mér í það, er einhver til ?

Jæja best að fara að vinna eitthvað líka er ekki að nenna að vinna þessa dagana er komin með leið á þessu það er alltaf svo mikið að gera og það er sama hversu mikið ég vinn það hleðst bara meira og meira á mig og ég kemst ekki í gegnum neitt af þessu.

Svefnleysi og einkaþjálfun

2006-02-02T22:03:00.000Z

Jæja þar sem ég er hætt á tyggjóinu og er þar með að spara nærri 20.000 kr á mánuði ákvað ég að fá mér einkaþjálfara og rífa af mér eitthvað af þessum leiðinda aukakílóum sem einhvernveginn vilja alltaf hanga hjá mér.
Við fengum niðurstöðu úr síðustu tæknisæðingunni okkar þann 30 og var hún neikvæð, þannig að nú erum við komin í pásu og ætlum að búa okkur undir glasameðferð sem verður næst á dagskrá sennilega eftir svona tvo mánuði eða svo.
Þannig að hvað er betra en að borga einhverjum fullt af peningum til að reka mig áfram í ræktinni til að ná árangri :)
Allavega þá fór ég upp í rúm kl 22:30 í gærkvöldi til að ná nú góðum svefni áður en ég færi í fyrsta tímann minn hjá einkaþjálfaranum en svo bara sofnaði ég ekki neitt og fór bara framm úr kl 5 í nótt græjaði mig í ræktina og skellti mér í fyrsta tímann hjá honum Svavari þjálfa sem er alger snillingur. Það var alveg yndislegt að komast aftur í ræktina og hreyfa sig og svitna mér leið ekkert smá vel þegar ég var búinn. En svo hef ég verið að berjast við að halda mér vakandi í allan dag í vinnunni og horfa á handboltann og svo elda kvöldmat og horfa á sjónvarpið til að geta nú sofið í nótt. Ætla núna að fara og reina að sofa eitthvað en ég hef ekki sofið almennilega síðan ég hætti á tyggjóinu er ennþá að vakna upp um miðjar nætur kófsveitt og líðandi ílla með hausverk og magaverk og ligg svo andvaka alla nóttina já og svo sumar nætur sef ég ekki neitt og vá hvað þetta er hræðilega erfitt ég bara hef aldrei kynnst öðru eins svefnleysi er sko eitthvað sem ég vil helst ekki þurfa að ganga í gegnum aftur vil frekar vera alvarlega veik og með mikla verki en að geta ekki sofið.
Jæja þið afsakið ef þetta innlegg er tóm steypa ég hef ekki sofið í 40 tíma en ætla að fara og sofa í nokkra núna

knús Sigga svefnlausa

Síðasta vika

2006-01-30T15:31:00.000Z

Jæja fólk er eitthvað að halda að ég sé dauð og eitthvað en það er nú ekki alveg svo slæmt.
Ég reindar næstum því dó í síðustu viku eða kannski réttara sagt mig langaði að deyja í síðustu viku ég nefnilega gerði hið ótrúlega ég stóð við ÁRA heitið mitt og hætti á nikótíntyggjóinu og vá það var erfitt. Fyrsta daginn fór ég í vinnu og hann gekk bara ágætlega en kl 17 var brunað í sjoppuna og borðað nammi í staðinn fyrir mat og svo næstu tvo daga og nætur borðaði ég nammi svaf ekki skalf blótaði sparkaði var óglatt með hausverk og já eitthvað miklu meira.

Málið var sko það að í þar síðustu viku dreymdi mig draum um að ég væri komin með krabbamein í hálsinn útaf tyggjóinu og hann var svo raunverulegur og óhugnalegur að mér leið ílla allan daginn eftir og var með brjálað samviskubit að vera ennþá á þessu tyggjói, en jæja svo næstu nótt þá dreymir mig að pabbi minn sé fallinn í áfengisleysinu og það var líka svona raunverulegur draumur og óhugnalegur og svo þegar ég vakna þá er ég svo viss um að þessir draumar merki eitthvað að ég hringi í pabba og hann svarar mér alveg edrú og ég spyr hann bara "pabbi ertu fallinn" það kom smá hik en svo játaði hann það að vera fallinn, ég fékk auðvitað alveg áfall ekki svo mikið yfir því að hann væri fallinn því það var svo sem ekki neitt nýtt en það að mig skyldi dreyma þetta og svo var það satt þannig að tyggjóið fékk að fjúka.

Núna er ég komin með viku alveg nikótínlaus og það er bara fyrsta vikan mín sem ég er alveg nikótínlaus í ein 11 ár og ég er bara mjög stolt af mér.
Ég áttaði mig líka á því að ég var farin að tyggjó 60 mg af nikótíni á dag en þegar ég reykti þá reykti ég 28 mg af nikótíni á dag þannig að í rauninni hætti ég að reykja 2 pakka á dag og fór að tyggjó 4 pakka :)

En já annars er bara allt annað gott held ég mér er farið að líða aðeins betur er farin að sofa aðeins meira á næturnar og vakna ekki alveg jafn oft vaknaði bara 3 í nótt en það er bara nokkuð gott þannig að þetta er allt að koma og áður en ég veit af verð ég alveg frjáls frá nikótín djöfinum :)

knús og kremjur Sigga Ásta alveg reyklausa

Snjór snjór snjór :)

2006-01-14T16:26:00.000Z

Þetta er yndislegt næstum eins og heima.
I love it :) meiri snjó meiri snjó meiri snjó.

Föstudagurinn 13

2006-01-13T14:24:00.000Z

Jæja föstudagurinn 13.janúar 2006 er í dag og þegar ég leit út í morgun var allt hvítt af snjó og tunglið fullt og vá hvað það var gaman að fara á fætur í dag þetta var svo einstaklega fallegur morgun og allt svona hvítt það var næstum eins og ég væri komin heim til Ólafsfjarðar.
En í dag gerðist líka dálítið annað við fórum í síðustu uppsetninguna okkar í tæknimeðferðum.
Já við fórum strax aftur í aðra meðferð eftir síðasta nei sem kom 22.des ég byrjaði að sprauta mig á milli jóla og nýárs og er búin að vera í skoðunum annan hvorn dag síðan þá og þessi meðferð er ekki búin að vera neitt sérstök, fyrst kom eggbú réttu megin sem hætti síðan að stækka og svo byrjaði að blæða hjá mér. Lyfjaskammturinn var stækkaður og þá tók hinn eggjastokkurinn við sér og það kom eggbú vinstramegin sem er vitlausumegin þar sem eggjaleiðarinn er lokaður þeim megin. En allavega þá var ég svo tilbúin á miðvikudaginn og sprautaði miðnætursprautunni þá og fór svo í uppsetningu núna 13.jan. Líkurnar eru 16 - 18 % á þungun í venjulegri tæknisæðingu en þegar eggjaleiðarinn er lokaður þarf eggjaleiðarinn hinu megin að ná að grípa eggið og koma því niður í legið þannig að þá minnka líkurnar talsvert á þungun. Við erum ekkert of bjartsýn á að þessi meðferð takist en auðvitað heldur maður í vonina eins og alltaf. Við erum bara svo glöð að vera að klára þessar leiðinda tæknimeðferðir og geta farið að snúa okkur að glasa sem við förum í einhvertíman í vor ef þessi tekst ekki.
En annars er niðurstaðan væntanleg 30.jan eða á afmælinu hennar ömmu minnar svo kannski get ég gefið henni alveg frábæra afmælisgjöf í ár :) hver veit.

En svo styttist í það að Gulla fari að eiga sitt annað barn bara nokkrir dagar eftir og ég er nú bara voða spennt að sjá litla krílið þegar það ákveður að koma í heiminn þó það sé óneitanlega erfitt líka að þau skuli vera að koma með sitt annað og við ekki komin með neitt þó við höfum byrjað að reina á undan þeim. Æi maður fattar eitthvað hvað tíminn er fljótur að líða þegar maður sér þessi litlu kríli bara sprett upp og allt í einu eru þau orðin stór og maður situr einhvernveginn eftir finnst mér þegar ég get ekki fengið að taka þátt í þessu líka.
En vonandi styttist í það að þetta takist hjá okkur líka.

Jæja þá ætli ég láti þetta ekki duga í bili, svo kannski verð ég duglegri að skrifa núna en ég hef ekki viljað vera að tala um meðferðina og hef þá eiginlega bara hætt að blogga líka en núna er þetta búið og þá er hægt að tala um það og halda áfram að blogga líka :)

2005

2005-12-31T11:37:00.000Z

Jæja þá er þetta ár að taka enda og ég er bara nokkuð glöð með það.
Þetta hefur verið ágætis ár við fórum til London og Spánar og skemmtum okkur mjög vel þar.
Við seldum litla hreiðrið okkar í Engihjallanum og fluttum í Höllina okkar á Hofteignum, þar sem Davíð konungur fékk loksins bílskúrinn sinn og ég ræð ríkjum í hinum 106 fm.
Okkur líður voða vel í nýja húsinu og erum bara voða ánægð með þessi skipti þó ég sakni stundum Engihjallans míns það var voða gott að vera þar líka.
Björg flutti síðan til okkar og það gengur allt bara voða vel hjá henni hún er að standa sig vel í vinnunni og komin með kærasta og svona og er bara svo yndisleg þessi elska. Afi flutti líka til okkar í nokkrar vikur á meðan hann var að vinna hérna í bænum og það var rosa gaman og gott að hafa hann hjá okkur, þó við söknum hans voða mikið nú þegar hann er farin. En við ætlum að skella okkur norður í janúar og hitta hann og ömmu og alla hina líka.
Andrea er hjá okkur núna í jólafríinu og pabbi er búin að búa hérna síðustu daga en flutti út í gær þegar hann fékk íbúð til leigu, þannig að ekki leiðist manni með allt þetta fólk hjá sér.
Svo er auðvitað Helgi nágranni alltaf til staðar og voða gott að hafa hann hérna líka.
En svo fékk bústaðurinn okkar nafn á árinu og heitir hann núna Ingagarður og svo er heimtauginn komin fyrir rafmagnið svo núna þarf bara að skella upp ljósum og rafmagnstöflu og tengja þetta og þá er nú komið rafmagn og allt klárt bara.
Við erum búin að fara í 4 tæknimeðferðir á árinu, fórum í eina í apríl og þá kom ekkert egg hjá mér svo við gátum ekki klárað þá meðferð fórum strax aftur og vorum þá í London þegar egglos varð og ekki tókst það, þá ákváðum við að taka okkur sumarfrí í þessum málum.
Fórum svo aftur í meðferð í haust niðurstaða neikvæð og svo aðra núna rétt fyrir jólin og fengum neikvæða niðurstöðu 22.des.
Við ætlum að halda áfram og er stefnan tekin á eina tækni í viðbót og svo glasa í mars ef hún gengur ekki.
Við vonum nú að þetta takist nú á þessu ári búin með 3 ár í þessa geðveiki og okkur finnst það nú bara alveg nóg og viljum fara að fá barn út úr þessu öllu saman.
En ég er ennþá reyklaus komin með 2 ár og 5 mánuði og er ennþá á tyggjóinu og er stefnan tekin á það að hætta á því 2006 það verður áramótaheitið mitt held ég bara að hætta að vera háð nikótíni komin með algert ógeð á þessum aumingjaskap að vera háð tyggjói og eyða mörgum tugum og hundruðum þúsunda í þessa vitleysu.
En annars held ég að ég geti alveg verið sátt við þetta ár við höfum staðið okkur vel og ætlum bara að standa okkur ennþá betur á næsta ári og vonandi verða ólétt.
Annars vil ég bara þakka öllum fyrir þessar góðu hugsanir og allt sem fólk er að senda okkur, það er voða gott að finna hvað fólkið manns stendur þétt með manni í öllu og óskar manni alls hins besta, við erum alveg einstaklega heppinn með fjölskyldu og vini.
Takk fyrir allt og gleðilegt ár, takk fyrir allt liðið.

Sigga og Davíð

Niðurstaða

2005-12-23T09:46:00.000Z

Jæja niðurstaða úr tæknisæðingu kom í gær og hún var neikvæð.
Við ætlum að halda strax aftur áfram og reina aftur eigum eftir tvær tilraunir í tæknisæðingu og svo er það bara glasa.
En við vorum voða dugleg og kláruðum að þrífa fyrir jólin í gær og skreyttum jólatréið og það er bara allt tilbúið fyrir jólin í okkar húsi þó við höfum ekki fengið jólagjöfina sem við vonuðumst eftir en við fáum kannski bara bestu gjöf í heimi á næsta ári.

knús og Jólakveðjur Sigga Ásta

Uppsetningu lokið

2005-12-08T16:06:00.000Z

Uppsetning er búin og ég á að taka óléttuprufu á jóladag eða 25.des má gera það 24 en ég ætla að bíða þar til aðfangadagur er búin vil ekki skemma hann ef þetta verður neikvætt.
Svo ef það verður jákvætt þá hringi ég inn á Art 27.des en ef neikvætt þá fer ég í blóðprufu 28.des ef ég verð ekki byrjuð á blæðingum til að fá endanlegt svar.
Jæja þá er það bara að fara vel með sig og vona það besta.

kv Sigga Ásta

Ekki lagaðist heimurinn í nótt.

2005-12-07T09:02:00.000Z

Vaknaði við sms í morgun frá vinkonu minni um að önnur vinkona okkar hefði misst fóstrið sitt í nótt. Þvílík ósanngirni svona rétt fyrir jól þetta er ömurlegt þegar svona skeður og því miður skeður þetta alltof oft.
Ég vona svo innilega að þau geti eignast barn saman sem allra fyrst og ég var svo glöð fyrir þeirra hönd að hafa loksins orðið ófrísk, auðvitað var það erfitt fyrst fyrir mig í minni stöðu en ég var svo fljót að geta bara verið glöð og hamingjusöm með þeim. Svo skeður þetta og vá hvað mér líður ílla inni í mér þetta er alveg hryllilega erfitt og miklu erfiðara með þessa vinkonu mína heldur en með stelpurnar í netgrúbbunni minni sem eru alltaf að missa, þar er þetta einhvernveginn eitthvað svo eðlilegt þar sem þetta er alltaf að ske en ekki hjá vinum mínum utan grúbbunnar og þá sérstaklega ekki hjá henni hún átti það svo skilið að geta verið hamingjusöm og eignast sitt barn með manninum sínum.
Æi stundum er þetta líf bara svo hryllilega ósanngjart að maður skilur ekkert í neinu, þessi dagur er svoleiðis.

Lífið og tilveran

2005-12-06T23:32:00.000Z

Suma daga langar mig að vera almáttug og geta lagað allt það sem mér finnst vera að í lífinu.
Hjálpað þeim sem þarf að hjálpa en vita ekki að þeim vantar hjálp, gera lífið betra.
Stundum finnst manni maður vera svo lítill og til lítils gagnlegur þegar eitthvað erfitt kemur uppá í lífinu þegar einhver virkilega þarfnast hjálpar þá getur maður ekkert gert.
Ég vildi óska þess að sumir hlutir væru ekki eins og þeir eru og allir gætu verið hamingjusamir og notið þess að vera til, notið litlu hlutanna eins og fallegra jólaljósa, litanna á himninum, litlu fuglanna , sólarinnar alls þess fallega sem lífið hefur uppá að bjóða. Ég veit alveg að lífið er ekki fullkomið en ef við ætlum endalaust að horfa á það neikvæða og velta okkur upp úr erfiðleikum okkar og hafa áhyggjur af öllu þá verður aldrei neitt gaman og okkur getur ekki liðið vel.
Stundum erum við auðvitað eitthvað veik og getum þess vegna ekki notið lífsins fyrr en við fáum lækningu á okkar veikindum, en við verðum þá að geta séð að við þurfum hjálp og getað rétt út hendina eftir hjálpinni, afhverju þarf það að vera svona erfitt fyrir suma að leita sér hjálpar að brjóta smá odd af stolti sínu og fá aðstoð.
Æi ég vildi bara að öllum gæti liðið vel og allir gætu haft það jafn gott og ég, að fólk gæti metið það sem því er gefið og hugsað vel um það og farið vel með sjálfan sig og lífið sitt.
Það er hægt að gera gott úr næstum öllum hlutum það fer bara eftir því hvernig þú horfir á það.
Það er aldrei of seint að snúa við og breyta rétt en stundum getur það skilið eftir ör sem aldrei gróa. Eins og saga sem ég heyrði einu sinni um dreng sem var alltaf að blóta og pabbi hans sagði honum að í hvert sinn sem hann blótaði þyrfti hann að negla einn nagla í girðinguna hjá þeim, á endanum voru komnir svo margir naglar i girðinguna en þá fór strákurinn að reina að passa sig og hætta að blóta og fyrir hvern dag sem hann blótaði ekki þá fékk hann að taka einn nagla úr girðingunni á endanum voru svo engir naglar í girðingunni.
Drengurinn spurði pabba sinn afhverju eru svona göt í girðingunni, pabbinn sagði það er eftir alla naglana sem þú settir í girðinguna og þessi göt fara aldrei, alveg eins og þegar þú segir eitthvað ljótt við einhvern þá særirðu manneskjuna þú getur beðist fyrirgefningar en stundum segir maður eitthvað svo ljótt og særir svo mikið að það grær aldrei alveg.
það er svo mikið til í þessu við ættum að reina að gera okkar besta í öllu sem við tökum okkur fyrir hendur og koma vel framm við alla sem við viljum ekki særa og þá sérstaklega okkur sjálf.

Jæja en heimurinn lagast ekki þó ég bloggi um hann og allt hans rugl.
Þannig að kannski er bara best að fara að sofa og kannski lagast hann eitthvað í nótt.
Annars er ég búin að sprauta miðnætursprautunni núna og fer í uppsetningu eftir 36 klukkutíma, úúúúú spennandi bara.

Meðferðarfréttir

2005-12-05T11:48:00.000Z

Jæja ég var í skoðun í morgun og það er komið þetta flotta egg á hægri eggjastokkinn þannig að það er miðnætursprautan annað kvöld og svo uppsetning á fimmtudaginn.
Niðurstaða úr þessari meðferð verður þá ljós 22. des svo við vonumst bara eftir bestu jólagjöf sem hægt er að hugsa sér í ár eða eitt stórt og flott já.

Allir að leggjast á bæn núna fyrir okkur um að þetta takist nú loksins hjá okkur og við þurfum ekki að byrja 4 árið okkar í þessu basli.

Bestu kveðjur Sigga Ásta

Jæja smá svona....

2005-12-03T00:02:00.000Z

Uppfærsla á blogginu mínu.
Ég er semsagt komin aftur suður og kom fyrir næstum viku síðan er búin að vera að vinna og skreyta húsið mitt og svona.
En það eru komnar seríur í svona flesta glugga greni með seríu hringinn í kringum útihurðina sería í runnan úti í garði og allt að verða svona voða kósí.
En svo byrjuðum við í okkar 4 tæknimeðferð síðasta mánudag og förum í næstu skoðun á mánudaginn 5.des þannig að vonandi verður nú bara uppsetning einhvertíman fyrir jól og svo kannski fáum við bara stærstu jólagjöfina sem við getum hugsað okkur að fá í ár.
En svo á morgun er ég að fara í klippingu og litun kl 10 í fyrramálið svo beint í laufabrauðsgerð hjá systir hennar mömmu og mamma verður þarna líka svo kl 18:00 þá þarf ég að vera mætt heim til konu sem vinnur með Davíð áður en við förum svo með vinnunni hans á jólahlaðborð.
Á sunnudaginn er ég svo að fara í afmæli til hennar Evu minnar og fæ þá að sjá litlu Emmu dúllu líka og svona sem er bara gaman.
En jæja annars er eitthvað lítið að frétta svo ég segji þetta bara gott í bili og vonandi blogga ég nú ekki bara á viku fresti hér eftir.

Nokkrar myndir frá Ólafsfirði

2005-12-02T23:35:00.000Z

Komin heim :)

2005-11-26T11:50:00.000Z

Jæja ég er komin norður :)
Fór í gær inná Akureyri með ömmu og við versluðum fullt af jólagjöfum erum búnar með alla nema 3 sem amma ætlar að redda sjálf seinna.
Fórum svo heim og ég pakkaði þessu öllu inn fyrir hana og gerði svo jafning fyrir afa minn þar sem hann eldaði bjúgu og vildi fá jafning eins og ég gerði fyrir hann í síðustu viku þegar ég bauð honum í mat, eftir matinn fór ég heim til Bigga og Boggu og horfði á Idolið með rauðvín og konfekt, endalaust næs en ég sofnaði ekki fyrr en um 3 þegar ég var búin að liggja yfir sjónvarpinu allt kvöldið.
En í dag er bara svona rólegheita dagur áfram og ekkert planað sem er rosa gott.
En á leiðinni norður voru rosalega falleg norðurljós og ég sat alveg klesst úti í glugga og fylgdist með þessu þau gjörsamlega hlupu yfir himininn og voru svo falleg, það var líka svo gaman að sjá allar stjörnurnar í þessu myrkri en þær sjást ekki svona vel í Reykjavík í öllum ljósunum og menguninni. Ég var búin að gleyma hvað það getur verið fallegt að sjá þetta stjörnur og norðurljós en þetta sést mjög vel hérna á Ólafsfirði.
En annars var vinur hans Davíðs að lenda í bílslysi hann velti bílnum og kastaðist út um framgluggan, hryggbrotnaði og það féll saman á honum annað lungað.
Hann er komin af gjörgæsludeild núna búin að fara í aðgerð og liggur á bæklunardeild.
Hann og Davíð eru að vinna saman og hafa verið vinir frá því þeir voru smá strákar svo Davíð tók þetta auðvitað mjög nærri sér og sérstaklega þar sem hann hefur áður gengið í gegnum svona slys með þessum sama vini sínum, og hann hefur aldrei jafnað sig almennilega eftir það slys og svo kemur annað. En það er í lagi með mænuna á honum svo ekki er hann lamaður og ég held að við getum bara þakkað fyrir það að þetta fór svona vel fyrst þetta þurfti að ske.
En svo á mánudaginn erum við að fara í skoðun á Art Medica og sennilega að byrja í síðustu meðferð þessa árs, sem er frekar skrítið því ef hún gengur ekki upp þá þurfum við að byrja fjórða árið okkar í þessu stríði og það langar mig ekki, þannig að allir að krossa putta um að hún gangi nú upp í þetta skiptið.

jæja ég er farin að gera ekki neitt á Ólafsfirði því það er svo gott.
knús og kremjur

Helgin og eitthvað meira.

2005-11-22T00:15:00.000Z

Jæja helgin var alveg hreint frábær en ég er samt hætt að reina að koma fólki saman eftir þessa helgi er alveg búin að sjá það að ég sökka í því hlutverki. Síðustu þrjú skipti sem ég hef reint það hafa ekki gengið og já allt er þegar þrennt er, er það ekki ?
Allavega er ég búin að sjá það að það borgar sig ekki að vera eitthvað að skipta sér af svona málum þau eru of viðkvæm og geta bara leitt til vandræða og það á milli vina sem er ekki gott mál.
Ég segi því upp starfi mínu sem sambandsráðgjafi og auglýsi stöðuna lausa, hver sem treystir sér til getur tekið þetta starf að sér en ég mæli samt með því að við höfum hana bara ómannaða.

En ég fór í Laugar með stelpunum á skrifstofunni á laugardaginn ég og Jóhanna vorum mættar þarna kl 14:30 og vorum þarna til kl 19:30 að dúlla okkur í gufum, heitum potti, nuddi og drekkandi bjór hvað getur maður beðið um meira. Hinar 3 komu svo um 15:30. Svo lá leið okkar niður á Kaffi Reykjavík þar sem við borðuðum þríréttaða máltíð og drukkum hvítt, rautt, bjór og kokteila og fleira gott.
Ég fór nú samt fljótlega heim eftir það og var komin heim um kl 01.00 og skreið upp í rúm að sofa.
En þetta var alveg meiriháttar gaman og gott allt saman og ég mæli sko með Baðstofunni í Laugum fyrir gott dekur alger draumur að vera þarna.

En Davíð er byrjaður að flísaleggja forstofuna svo það er nú bara allt að gerast hérna heima og verður íbúðin sennilega bara orðin eins og við ætlum að hafa hana fyrir jólin, enda á ég duglegasta mann í heimi sem reddar bara öllu því sem mér dettur í hug.

Við erum að spá í að kaupa okkur bíl, Opel Astra 2001 módel, beinskiptur blár á litinn ekinn eitthvað um 90 þúsund km. Við fáum hann á 480.000 kr og fáum 75.000 kr inneign í Smáralindina og ný vetrardekk fylgja með bíllinn er á Akureyri en kemur í bæinn núna á næstu dögum og þá sennilega göngum við frá þessu ef hann lítur sæmilega út.

Annars er ég að fara norður á fimmtudagskvöldið með Bigga og afa þeir fara eftir vinnu þannig að ég fékk bara frí á föstudaginn og ætla að skella mér norður yfir heiðar og vera sérlegur ráðgjafi ömmu minnar í jólagjafainnkaupum þetta árið eins og nokkrum sinnum áður.
En amma mín kann sko alveg að versla sjálf það er ekki það hún á það bara til að missa sig aðeins í jólagjafainnkaupum svo ég þarf að halda um veskið hennar svo hún klári nú ekki aleiguna í okkur fjölskylduna, enda gjafmildasta kona sem þekkist norðan heiða.
Hún mundi nú ekki viðurkenna það sjálf enda gerir hún aldrei nokkurn skapaðan hlut fyrir okkur eins og hún segir sjálf hí hí. (amma mín þú ert algert æði og betri ömmu er ekki hægt að fá, þú ert gull í gegn og ég væri ekki sama manneskjan í dag hefði ég ekki fengið að kynnast þér).

En ég kem svo í flugi suður á sunnudagskvöldið eftir að við amma höfum verslað upp allt Akureyri eins og það leggur sig.
Ég hlakka svo til að komast aðeins norður hitta vinkonurnar, knúsa ömmu, sjá nýju kisuna hjá Boggu, hitta fóstufjölskylduna og komast aðeins "HEIM".
Andrea mín verður auðvitað á staðnum líka svo ég fæ að hitta hana tvær helgar í röð sem er auðvitað bara snild.
Jæja best að fara að sofa aðeins áður en ég mæti á einhvern leiðinda fund í fyrramálið með söludeildinni nú á að fara að þjappa okkur aðeins betur saman, en við fáum nú alltaf eitthvað bakarísdót á svona fundum svo það er nú góði punkturinn við þetta :)
Góða nótt sofið rótt og njótið morgundagsins því hann kemur aldrei aftur.

Silvía Nótt

2005-11-16T18:42:00.000Z

Ég skil ekki hvernig í ósköpunum hún Silvía Nótt gat fengið verðlaun fyrir besta sjónvarpsmann ársins og besta þátt ársins, er íslenskt sjónvarp í alvörunni orðið svona lélegt ?
Svo stendur hún þarna uppi á sviði og talar við alla í salnum eins og þau séu hálfvitar og heimsk og ég veit ekki hvað og hvað og fólk bara skellihlær af þessu.
(sennilega voru þau bara öll hálfvita og hryllilega heimsk)
Ég verð nú að viðurkenna að ég hef stundum hlegið af einstaka atriði hjá henni en hún er nú ekki svona góð að hún eigi skilið öll þessi verðlaun.
Ótrúlegt alveg hreint að svona vitleysa og fíflagangur fái það verðlaunað.
Jæja við erum þá greinilega orðin svona rosalega klikkuð þjóð ef við höfum gaman að stelpu sem talar ekki skiljanlegt mál hagar sér eins og asni og kemur ílla fram við allt og alla.
Þættirnir hennar eru ekki einu sinni um neitt, ég skil ekki alveg hvað það er sem er svona gaman við þetta.

Var að þrífa gestaherbergið fyrir hana Andreu mína sem er að koma í bæinn yfir helgina og ég hlakka mikið til, ég er reindar að fara á laugardaginn með stelpunum á skrifstofunni í dekur í Laugum og svo út að bora á Kaffi Reykjavík en Andrea er hvort eð er að fara á stefnumót með nágrannanum mínum svo það er í lagi :) Góða skemmtun þið tvö svo kannski hittumst við í bænum eftir Broadway ef þið eruð ekki tilbúin að fara heim strax.

Ég fór í bíó í gær með Gullu frænku hún fékk boðsmiða og bauð mér með takk Gulla mín það var mjög gaman. Svo er ég alltaf að reina að koma mér í það að byrja að mála jólagjafirnar þarf að fara að byrja ef ég ætla að ná að klára að mála þessar 10 myndir sem ég ætla að gefa.
Er búin að kaupa 2 jólagjafir og á eftir að kaupa dálítið margar í viðbót, en svo er ég að hanna rosalega flott jólakort í ár þannig að allir sem fá jólakort frá mér geta verið rosa spenntir þetta er voða flott og öðruvísi en ég er vön að senda þetta er sko tölvugert, já alveg satt ég af öllum ætla að senda ykkur jólakort sem er gert í tölvu það trúa því nú örugglega ekki allir ég sem þoli ekki tölvur og nota þær eins lítið og ég get, en það hefur nú breyst dálítið mikið eftir að lappinn kom á mitt heimili hann er nýjasti og bestasti vinur minn í dag :)

Jæja best að fara að elda eitthvað handa familíunni minni svo við drepumst ekki úr hungri.
knús og kremjur

11.11

2005-11-12T19:59:00.000Z

Jæja sem betur fer er 11. nóvember búin og þá 11.11.2005 búinn alveg heilt ár í næsta 11.11.
En eins og alltaf fæ ég einhverjar fréttir á þessum degi og í ár fékk ég þær fréttir að ein af mínum bestu vinkonum er orðin ólétt, innilega til hamingju elskan mín.
En vá hvað þetta var erfitt þið megið ekki misskilja mig sko ég er rosalega hamingjusöm fyrir þeirra hönd og allt það og vona svo innilega að allt gangi vel hjá þeim og þau eignist öll þau börn sem þau vilja eignast saman og allt gangi alltaf sem allra best hjá þeim.
En að sama skapi er ég rosalega fúl, reið og sár að ég skuli ekki vera orðin ólétt og þetta gangi svona ílla hjá mér. En þessi vinkona mín hún hefur alltaf sagt að hún haldi að hún komi með fyrsta barnið og svo komi ég og svo þriðja vinkonan í hópnum og þetta verði í þessari röð svo ég vona bara innilega að það standist hjá henni.
Ég fór nú samt og hitti hana á kaffihúsi í gær og það var mjög gott og gaman.
Mér finnst þetta ekki eins erfitt í dag ég er bara meira glöð og ekki jafn sár.
Ég átti líka gott samtal við tengdó í dag hún er svo yndisleg þessi elska og mér líður mikið betur eftir það.
En annars er ég að fara út á Players núna kl 21 með nokkrum í vinnunni og ætla bara að fá mér í glas enda er ég ekki ólétt og má því fá mér áfengi og skemmta mér hí hí.
Um að gera það áður en ég verð mamma því þá verður nú ekki mikið djammað.
En jæja svo á morgun þá er kaffiboð í föðurfjölskyldunni hans Davíðs Amma Steina hefði orðið áttræð svo við ætlum að halda uppá það og minnast þessarar einstöku konu.
Eftir það ætlum við Davíð að burna uppí sumarbústað og ná í borðstofuborðið fyrir jólin svo ég geti nú boðið öllum sæti við matarborðið á aðfangadag.
En við ætlum líka að fara í fyrramálið og kaupa flísar og klæðningu á forstofuna.
Jæja nóg að gera og svo styttist í að mín elskulega Norn komi í borgina og þá verður nú endalaus hamingja og gleði.
Jæja ég ætla að fara að spasla make-up á andlitið á mér svo ég líti nú sómasamlega út.

Djamm djamm djamm, bara gaman.

10. nóvember 2005

2005-11-10T18:11:00.000Z

Jæja ég er búin að lifa á ab mjólk jógúrt súpu og skyri alla vikuna og er vægast sagt komin með ógeð en ég er ennþá að drepast í kjaftinum og hef lítið annað getað borðað.
Fer á morgun að láta taka saumana og þá kemur nú í ljós hvort þetta er ekki allt í lagi en ég er ennþá bólgin og með verki.
En ég er að fara á djammið á laugardaginn með nokkrum í vinnunni ætlum að hittast svona þetta lið sem var að vinna í öryggisdeildinni fyrir breytingar og fá okkur bjór og svona á laugardagskvöldið. En það eru flestir ennþá að vinna þarna fyrir utan einn sem var rekinn núna um daginn og svo annar sem sagði upp en hinir eru ennþá að vinna þarna bara í öðrum stöðum en þeir voru í fyrir breytingar svo það verður örugglega voða stuð svona gamla gengið saman á djamminu og ef okkur leiðist eitthvað þá getum við allavega baktalað alla hina sem ekki eru með okkur.
Nei ég segi nú bara svona ég vona að það verði ekki bara talað um vinnuna heldur eitthvað mikið skemmtilegra.
En annars er ég að fara á Tilveru fund í kvöld þar sem nýja og gamla stjórnin hittast og það verður skipað í sæti í nýrri stjórn ég verð auðvitað áfram gjaldkeri og Kiddi verður formaður en svo á eftir að raða í hinar stöðurnar.
Við Davíð fórum í bíó í gær hann vann miða á Fm 957 og svo vann hann líka fyrstu bókina af ísfólkinu handa mér og Andreu :) hann er alltaf að vinna eitthvað þarna hjá þeim.
En annars er bara rosa gott að vera í smá fríi frá meðferðum og geta bara slakað aðeins á jólastússast og fengið mér í glas og já bara gert allt sem mig langar til þarf ekki endalaust að vera að passa mig. En við ætlum nú samt að reina að taka eina meðferð fyrir jól svona til að stoppa nú ekki of lengi.
En jæja ég er að elda svo það er víst best að fara að ath hvað er að ske þarna í pottunum hjá mér.

Andrea svo er 11.11 á morgun gaman að sjá hvort eitthvað skemmtilegt skeður þá :)